07.12.2022

бүгүнки түркийә гезитлиридә асасий салмақни игилигән хәвәрлиримиз төвәндикичә:

1915708
07.12.2022

 түркийә авази радийоси: «‹хәвәр түрк› гезити», «әрдоған, <түркийә өзиниң қарарлирини өзи чиқиралайдиған бир дөләткә айланди» сәрләвһилик хәвиридә, төвәндики мәлуматларни оқурмәнлириниң диққитигә сунди:

җумһур рәис рәҗәп таййип әрдоған, түркийәниң сийасий, иқтисадий җәһәттин өзиниң қарарлирини өзи чиқиралайдиған бир дөләткә айланғанлиқини тәкитләп мундақ деди: «дөлитимизниң екиспорти көпәйди, йәниму йүксәк сәвийәдә қудрәт тепиш басқучи башланди. һазир түркийә дунйадики 3 чоң дөләт ичидә алдинқи  қатардин орун алмақта.»

«‹йеңи шәпәқ› гезити», «әрдоған йавропа бойичә әң күчлүк рәһбәр» сәрләвһилик хәвиридә, муну учурларға орун аҗратти:

Burson Cohn and Wolfe қа аит дигитал дипломатийә тәтқиқат оргини Twiplomacy тәрипидин елип берилған «Twitter дики әң күчлүк рәһбәрләр» тәтқиқатида, җумһур рәис рәҗәп таййип әрдоғанниң сәһиписи, 2022-йили 2 рәт йуқири өрләп, дунйадики үчинчи күчлүк Twitter сәһиписигә айланди. буниңдин башқа йәнә, әрдоған, йавропадики әң күчлүк сийасий рәһбәр болуш унванини сақлап қалди.

«‹вәтән› гезити», «әрдоған, <һечким түркийә билән әзәрбәйҗанни бир – биридин айриветәлмәйду> деди» сәрләвһилик хәвиридә, муну учурларни оқурмәнлириниң диққитигә сунди:

җумһур рәис әрдоған,  «қериндаш мушти» намлиқ түркийә – әзәрбәйҗан бирләшмә һәрбий маневирниң мувәппәқийәтлик ахирлишишидин кейин, йанфун арқилиқ хитаб қилған икки дөләт әскәрлирини тәбрикләп мундақ деди: «бу маневир шуни испатлидики, биз бир-биримиз билән худди гөш билән сөңәккә охшаймиз. һечким бизни бир-биримиздин айриветәлмәйду.»

«‹стар› гезити», «әзәрбәйҗан түркийә армийәси моделиға өтти» сәрләвһилик хәвиридә, төвәндики мәлуматларға орун аҗратти:

әзәрбәйҗан дөләт мудапиә министири закир һәсәнов, түркийә армийәсиниң дунйадики әң алдинқи қатардики армийәләрдин бири икәнликини әскәртти, һәмдә әзәрбәйҗан армийәсиниң түркийә армийәси моделиға өтүши мәсилисидә ислаһатларниң елип берилғанлиқини қәйт қилди.

«‹сабаһ› гезити», «чавушоғлу гиретсийәгә қаттиқ наразилиқ билдүрди» сәрләвһилик хәвиридә, төвәндики мәлуматларни оқурмәнлириниң диққитигә сунди:

ташқи ишлар министири мәвлүт чавушоғлу, гиретсийәниң җиддийчиликни техиму әвҗ алдуруветиш тәшәббуслириға қаттиқ наразилиқ билдүрди.

у, гиретсийәниң қоралсизландурулған аралларниң салаһийитини дәпсәндә қилиштин ваз кечиши лазимлиқини тәкитләп мундақ деди: «йа гиретсийә буниңдин ваз кечип, келишимләргә риайә қилиду, йаки биз күтүлмигәндә тегишлик җаваб қайтуримиз.»



مۇناسىۋەتلىك خەۋەرلەر