05.12.2022

türkiye awazi radiyosi: «sabah» géziti: türkiye jumhuriyiti dölet mudapie ministirliqining, ukraina portliridin ashliq yötkesh xizmetlirining dawamlishidighanliwatqanliqini, yötkelgen ashliq miqdarining 13 milyon tonnidin ashqanliqini uqturghanliqini yazdi.

«yéngi shepeq» géziti: türkiye jumhuriyiti sanaet we téxnologiye ishliri ministiri mustapa warankning, mashina ot aldurush zapchaslirini ishlepchiqiridighan izmirdiki xelqara bir shirketni ékskursiye qilip: «türkiye éléktirleshtürüsh jehette aldinqi qatardiki döletlerning biri bolidu. biz bu yerdin dunyaning her qaysi jaylirigha mehsulatlirimizni satimiz. uningdin bashqa, türkiyediki ishlepchiqarghuchilarmu kéreklik mehsulatlirini bu yerdin sétiwélishqa bashlaydu» dégenlikini xewer qildi.

«star» géziti: dunya taratqulirining türkiyening sinaq qilinish basquchigha qedem qoyghan tunji uchquchisiz urush ayropilani ­— bayraqtar qizilalmani yéqindin közitiwatqanliqini yazdi؛ gézitning xewiride körsitilishiche, dunya taratquliri, chaqlirini yighish siniqidin ongushluq ötken qizilelmaning pat yéqinda tunji uchushini bashlaydighanliqi mölcherini otturigha qoyghan.

«xabertürk» géziti: noyabir éyida türkiyening türk lirasi bilen qilghan éksportining aldinqi yilining oxshash mezgilige sélishturghanda %114 éship, 15 milyard 679 milyon liragha yetkenlikige dair uchurlarni oqurmenliri bilen ortaqlashti.

«hürriyet» géziti: yawropadiki ayrodurumlar ichide kütüwalghan méhman sani jehette yéqinqi üch yildin buyan birinchilikni saqlap kelgen istanbul ayrodurumining, 2022 – yili 25 – noyabirdin 1 – dékabirghiche her küni otturiche 1210 nöwetchi ayropilan sepiri bilen yawropaning eng awat ayrodurumigha aylanghanliqini yazdi.