05.12.2022

түркийә авази радийоси: «сабаһ» гезити: түркийә җумһурийити дөләт мудапиә министирлиқиниң, украина портлиридин ашлиқ йөткәш хизмәтлириниң давамлишидиғанливатқанлиқини, йөткәлгән ашлиқ миқдариниң 13 милйон тоннидин ашқанлиқини уқтурғанлиқини йазди.

«йеңи шәпәқ» гезити: түркийә җумһурийити санаәт вә технологийә ишлири министири мустапа варанкниң, машина от алдуруш запчаслирини ишләпчиқиридиған измирдики хәлқара бир ширкәтни екскурсийә қилип: «түркийә електирләштүрүш җәһәттә алдинқи қатардики дөләтләрниң бири болиду. биз бу йәрдин дунйаниң һәр қайси җайлириға мәһсулатлиримизни сатимиз. униңдин башқа, түркийәдики ишләпчиқарғучиларму керәклик мәһсулатлирини бу йәрдин сетивелишқа башлайду» дегәнликини хәвәр қилди.

«стар» гезити: дунйа таратқулириниң түркийәниң синақ қилиниш басқучиға қәдәм қойған тунҗи учқучисиз уруш айропилани ­— байрақтар қизилалмани йеқиндин көзитиватқанлиқини йазди؛ гезитниң хәвиридә көрситилишичә, дунйа таратқулири, чақлирини йиғиш синиқидин оңушлуқ өткән қизиләлманиң пат йеқинда тунҗи учушини башлайдиғанлиқи мөлчәрини оттуриға қойған.

«хабәртүрк» гезити: нойабир ейида түркийәниң түрк лираси билән қилған експортиниң алдинқи йилиниң охшаш мәзгилигә селиштурғанда %114 ешип, 15 милйард 679 милйон лираға йәткәнликигә даир учурларни оқурмәнлири билән ортақлашти.

«һүррийәт» гезити: йавропадики айродурумлар ичидә күтүвалған меһман сани җәһәттә йеқинқи үч йилдин буйан биринчиликни сақлап кәлгән истанбул айродуруминиң, 2022 – йили 25 – нойабирдин 1 – декабирғичә һәр күни оттуричә 1210 нөвәтчи айропилан сәпири билән йавропаниң әң ават айродурумиға айланғанлиқини йазди.