28.11.2022

«xeber türk géziti», «erdoghan: <türkiye bixeterliki üchün her türlük heq - hoquqqa ige> dédi» serlewhilik xewiride, jumhur reis rejep tayyip erdoghanning chégra halqighan térrorluq hujumlirigha élip bériliwatqan qarshi heriketler üstide toxtilip, türkiyening öz bixeterliki üchün chégra sirtida belgilengen rayonlarda her xil bir terep qilish hoquqi barliqini, héchkishining bu hoquqqa tosqunluq qilalmaydighanliqini éytqanliqini yazdi.

«yéngi shepeq géziti», «israiliye taratquliri: <türkiyeni tosup qalalaydighan küch yoq> mawzuluq xewer élan qildi» serlewhilik xewiride, munu uchurlargha orun ajratti:

p k k ning istanbul we ghaziantep hujumliridin kéyin, türkiyening süriyening shimalida élip barghan hawa herikiti we jumhur reis erdoghanning quruqluq herikiti uchuri dunya metbuatlirida qiziq téma bolushni dawamlashturmaqta. bu qétim pénsiyege chiqqan israiliye eskiri ziwi bar «xaréytz» gézitide élan qilinghan analiz maqaliside, türkiyening süriye herikitige teyyar ikenlikini, amérikaning buning aldini alalmaydighanliqini tekitlidi.

«höriyet géziti», «qara déngiz gazidin xush xewer» serlewhilik xewiride, munu uchurlargha orun ajratti:

énérgiye we tebiiy bayliqlar ministiri fatih dönmez qara déngizdiki sakarya tebiiy gaz sahesi ichide yene bir qoshna gaz rayoni bayqash üchün chayjuma 1 - quduqida burghilash élip bérilghanliqini, tunji sanliq melumatning ijabiy ikenlikini éytti. fatih dönmez chukorowa rayonida bolsa, üchinchi néfit quduqining échilghanliqini we texminen 8-10 milyon waril néfit zapisi barliqini tekitlep, «su yüzi sewiyeside dégüdek néfit bayqiduq, bu bir amet» dédi.

«star géziti», «türkiye seudi erebistan heqqide bayanat élan qildi: <pikir birliki hasil qilduq> dédi» serlewhilik xewiride, munu uchurlargha orun ajratti:

xezine we maliye ministiri nurettiin nebati seudi erebistan soda ministiri majid bin abdullah elqasabi bilen körüshti. nurettin nebati uchrishishta ikki dölet otturisidiki iqtisadiy, soda we pul-muamile hemkarliqi üstide mexsus muzakirileshkenlikini bildürüp: «biz ministir bilen hemkarliqimizni mezkur sahelerde téximu köp nuqtilargha yetküzüshte pikir birliki hasil qilduq» dédi.

«sabah géziti», «8 - nöwetlik dunya halal mehsulatlar bashliqlar yighini we 9 - nöwetlik islam hemkarliq teshkilati halal mehsulatlar körgezme yermenkisi axirlashti» serlewhilik xewiride, munu uchurlargha orun ajratti:

istanbul yermenke merkizide ötküzülgen 8 - nöwetlik dunya halal mehsulatlar yermenke yighini axirlashti. texminen 40 dölettin kelgen 500 ge yéqin shirket munber achqan halal mehsulatlar yermenkiside bu yil 1 milyard yawro soda sommisining emelge éshishi mölcherlenmekte. paaliyetni hazirgha qeder 40 mingdin artuq yerlik we chet ellik sayahetchi ziyaret qildi.