30.09.2022

бүгүнки түркийә гезитлиридә асасий салмақни игилигән хәвәрлиримиз төвәндикичә:

1886734
30.09.2022

түркийә авази радийоси: «‹вәтән› гезити», «әрдоған путин билән телефонлашти» сәрләвһилик хәвиридә, төвәндики мәлуматларни оқурмәнлириниң диққитигә сунди:

дөлитимиз (түркийә җумһурийити) җумһур рәиси рәҗәп таййип әрдоған, түнүгүн русийә пирезиденти виладимир путин билән телефонда көрүшти. телефон сөһбитидә, җумһур рәис әрдоған путиндин музакириләргә йәнә бир қетим пурсәт беришини тәләп қилди.

«‹сабаһ› гезити», «министир чавушоғлу гиретсийә һәққидә байанат елан  қилди» сәрләвһилик хәвиридә, муну учурларға орун аҗратти:

дөлитимиз (түркийә җумһурийити) ташқи ишлар министири мәвлүт чавушоғлу гиретсийәниң иғвагәрчиликлири һәққидә бәргән байанатида, «гиретсийә аралларни қоралландурса, бизму тегишлик җаваб қайтуримиз» деди.

«‹хәвәр түрк› гезити», «түркийә армийәси ирақниң шималида бөлгүнчи террорлуқ тәшкилати п к к ға әҗәллик зәрбә бәрди» сәрләвһилик хәвиридә, муну учурларни оқурмәнлириниң диққитигә сунди:

дөләт мудапиә министири хулуси ақар, түнүгүн елан қилған байанатида, мундақ деди: «түркийә армийәси 27 – сентәбир күни ирақниң шималий қисмида 140 километир ичкири кирип, асос районидики бөлгүнчи террорлуқ тәшкилати п к к ниң 16 ғари, панаһ җайлири вә аталмиш қоманданлиқ увисини йәр билән йәксан қиливәтти.»

«‹һөрийәт› гезити», «зелениски әрдоғанға миннәтдарлиқ билдүрди» сәрләвһилик хәвиридә, төвәндики учурларни оқурмәнлириниң диққитигә сунди:

украина пирезиденти володимир зелениски түнүгүн җумһур рәис рәҗәп таййип әрдоған билән телефонда көрүшкәндин кейин елан қилған видеолуқ байанатида, «украинаниң земин пүтүнлүки вә игилик һоқуқини қоллиғанлиқи үчүн» җумһур рәис әрдоғанға миннәтдарлиқ билдүрди.

«‹стар› гезити», «түркийәниң <байрактар>  намлиқ тизгинәклик учқуси йавропада йәнә бир дөләтниң хизмитигә кириду» сәрләвһилик хәвиридә, төвәндики мәлуматларға орун аҗратти:

албанийә баш министири еди рама, дөлитиниң әнқәрә билән түркийәдин сетивелишқа пүтүшкән «байрактар» намлиқ тизгинәклик учқуларниң пат йеқинда хизмәткә киридиғанлиқини ейтти.



مۇناسىۋەتلىك خەۋەرلەر