29.09.2022

бүгүнки түркийә гезитлиридә асасий салмақни игилигән муһим хәвәрлиримизниң қисқичә мәзмунлирини диққитиңларға сунимиз...

1886162
29.09.2022

түркийә авази радийоси: «сабаһ гезити», түркийә җумһур рәиси рәҗәп таййип әрдоғанниң гиретсийәниң әгәдики аралларға америка биронивиклирини әвәтиши үстидә тохтилип: «бу аралларни қоралсизландуруши шәрт. америкадин күтидиғинимиз, гиретсийәни хата йолларға киргүзмәслики вә хәлқара җәмийәтниң қаймуқтурулушиға рухсәт қилмаслиқидур» дегәнликини хәвәр қилди.

«һөррийәт гезити», түнүгүн (2022-йили 28-сентәбир) җумһур рәис рәҗәп таййип әрдоғанниң башчилиқида дөләт хәвпсизлик кеңиши йиғини чақирилғанлиқини хәвәр қилди.

хәвәрдә, рәҗәп таййип әрдоғанниң, «гиретсийәниң биһудә урунушлириға қарши хәлқимизниң мәнпәәтлирини қоғдаш үчүн һәр түрлүк қанунлуқ метод вә вастиләрдин пайдилинишни нәзәрдин сақит қилмаймиз» дәп байанат елан қилғанлиқи қәйт қилинди.

«хәбәр түрк гезити», енергийә вә тәбиий байлиқлар министири фатиһ дөнмәзниң түрк дөләтлири арисида техиму көп електр, нефит вә тәбиий газ торини шәкилләндүрүш үчүн тиришчанлиқ көрситиш керәкликини, һазар деңизиниң шәрқий билән ғәрбини өзара һәмкарлиқлар арқилиқ бирләштүрүш мумкинликини ейтқанлиқини хәвәр қилди.

«стар гезити», йеқинқи мәзгилләрдә арқа-арқидин мукапатқа еришкән түркийә һава йоллири ширкитиниң германийә таратқулирида кәң хәвәр қилинғанлиқини хәвәр қилди.

«йеңи шәпәқ гезити», анталйада йазлиқ сайаһәт пәсли ахирлашқиниға қаримастин, чәт әллик сайаһәтчиләр саниниң рекорт сәвийәгә чиққанлиқини хәвәр қилди.

хәвәрдә, анталйа валийси әрсин йазиҗиниң анталйаға айропилан билән кәлгән чәт әллик сайаһәтчиләрниң 10 милйон 788 миң 467 гә йәткәнликини, анталйа айродурумида германийәлик вә русийәлик сайаһәтчиләрниң интайин көп икәнликини ейтқанлиқини хәвәр қилди.  



مۇناسىۋەتلىك خەۋەرلەر