28.09.2022

бүгүнки түркийә гезитлиридә асасий салмақни игилигән хәвәрлиримиз төвәндикичә:

1885677
28.09.2022

 түркийә авази радийоси: «‹хәвәр түрк› гезити», «әрдоған, «ғәрбниң қоллиши гиретсийәни қутқузуп қалалмайду> деди» сәрләвһилик хәвиридә, төвәндики учурларни оқурмәнлириниң диққитигә сунди:

җумһур рәис рәҗәп таййип әрдоған, аралларни қоралландуруватқан гиретсийәгә қаттиқ наразилиқ билдүрди, һәмдә ғәрбий тракйа вә аралларға орунлаштурулған қорал – йарағларниң түркийә үчүн һечқандақ әһмийитиниң йоқлуқини тәкитләп мундақ деди: «бизниң күчимиз вә имканлиримиз буниңдин нәччә һәссә үстүндур. и гиретсийә! силәр техи америка қошма иштатлири вә йавропаниң қоллиши бизни қутқузуп қалалайду, дәп ойламсиләр. йақ, бу силәрни һәргизму қутқузуп қалалмайду.»

«‹стар› гезити», литванийә түркийә үчүн пурсәт туғулғанлиқини билдүрди» сәрләвһилик хәвиридә, муну учурларға орун аҗратти:

литванийәниң әнқәрәдә турушлуқ баш әлчиси рикардас дегутис, түркийәниң җуғрапийәлик орни түпәйли  йавропаға йеқин болушиниң әһмийитиниң зорийиватқанлиқини вә буниң нурғун саһәләрдә муһим рол ойнаватқанлиқини тәкитләп мундақ деди: «литванийә билән түркийә оттурисида орнитилидиған һәмкарлиқ, йеңи пурсәтләрни йаритиду.»

литванийә парламенти әзаси риманте саласевичуте болса, түркийә билән мәбләғ селиш мәсилисидә дадил қәдәм ташлаш керәкликини ейтти.

«‹сабаһ› гезити», «түркийә шамал енергийәсидә йавропаниң йеңилиқ йаритиш мәркизи болушни нишан қилмақта» сәрләвһилик хәвиридә, төвәндики учурларни оқурмәнлириниң диққитигә сунди:

енергийә вә тәбиий байлиқлар министири фатиһ дөнмәз, түркийәниң шамал енергийәси саһәсидә йавропа вә районниң йеңи ишләпчиқириш һәм йеңилиқ йаритиш мәркизигә айлинишни нишан қиливатқанлиқини әскәртти, һәмдә түркийәниң йавропадики 5-чоң шамал үскүнилирини ишләпчиқарғучи дөләт икәнликини тәкитләп мундақ деди: «2021-йили биз 50 кә йеқин дөләткә 1.5 милйард йавро қиммитидики шамал турбиниси вә үскүнилирини експорт қилдуқ.»

«‹һөрийәт› гезити»,  «дунйаға даңлиқ иқтисадшунаслар түркийәдә учришиду» сәрләвһилик хәвиридә, муну учурларни оқурмәнлириниң диққитигә сунди:

хәзинә вә малийә министирлиқиниң саһибханлиқида чақирилидиған «дунйадики иқтисадий өзгиришләр йиғини» даирисидә, дунйаға даңлиқ иқтисадшунаслар истанбулға келиду. 29 – сентәбир пәйшәнбә күни башлинидиған йиғинда, 12 дин артуқ дөләттики даңлиқ академикларниң иштирак қилишида, йеңи йәр шариви иқтисадий түзүм йаратқан пурсәтләрни өз ичигә алған көплигән мәсилиләр музакирә қилиниду.

«‹йеңи шәпәқ› гезити», «түркийә әрәб йашлириниң әң җәзбидарлиқ дөлитигә айланди» сәрләвһилик хәвиридә, төвәндики учурларни оқурмәнлириниң диққитигә сунди:

ғәрбий асийа вә шималий африқадики 17 дөләттә 3400 киши билән елип берилған «әрәб йашлири рай синаш» нәтиҗиси, түркийәниң йашларниң әң йахши көридиған дөләт икәнликини испатлап бәрди. рай синаш нәтиҗисигә қариғанда, әрәб йашлири, америка қошма иштатлири, әнгилийә вә фирансийә қатарлиқ ғәрб күчлириниң дәл әксичә, түркийә, хитай вә русийәни өзлиригә йеқин дәп қарайдикән. рай синаш иштиракчилириниң % 77 и, түркийәниң күчлүк иттипақдаш дөләт икәнликини оттуриға қойған.



مۇناسىۋەتلىك خەۋەرلەر