27.09.2022

бүгүнки түркийә мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:

1885018
27.09.2022

түркийә авази радийоси: «хәбәр түрк гезити», түркийә җумһур рәиси рәҗәп таййип әрдоғанниң түнүгүн (26-сентәбир) чақирилған кабент йиғинидин кейин байанат елан қилип, гиретсийәниң әгәгә әскәр топлаватқанлиқини тилға алғанлиқини хәвәр қилди.

хәвәрдә, рәҗәп таййип әрдоғанниң, «афена һөкүмити иғвагәрчиликләрдин ваз кечиши керәк. гиретсийә һечқандақ қилип тәңдешимиз болалмайду. гиретсийә даирилири буниң һесабини чоқум бериду» дегәнлики қәйт қилинди.

«хәбәр түрк гезити», дөләт мудапиә министири һулуси акарниң түнүгүн елан қилған байанатида, террорлуққа қарши күрәшниң зор мувәппәқийәт билән давамлишиватқанлиқини тәкитләп, 2015-йили 14-ийулдин бүгүнгичә 36 миң 143 террористниң бир тәрәп қилинғанлиқини билдүргәнликини хәвәр қилди.

«йеңи шәпәқ гезити», ташқи ишлар министири мәвлүт чавушоғлуниң түнүгүн йапонийәдә, «җумһур рәис рәҗәп таййип әрдоған русийә пирезиденти путин вә украина пирезиденти володимир зеленский билән учришишлирини давамлаштуриду. мәқситимиз, икки рәһбәрни көрүштүрүп, рәһбәрләр сәвийәсидә қарарларниң чиқирилишини капаләткә игә қилиш» дәп байанат елан қилғанлиқини хәвәр қилди.

«сабаһ гезити», иқтисадий тәрәққийат вә һәмкарлиқ тәшкилатиниң (OECD) түркийәниң бу йиллиқ (2022) иқтисадий ешиш тәхмини рәқимини %3.7 тин %5.4 кә чиқарғанлиқини хәвәр қилди.

«стар гезити», җәнубий африқа армийә қоманданлиқ иштаби башлиқи рудзани мафванйаниң (Rudzani Maphwanya) түркийә билән һәмкарлиқ орнитишни төт көз билән күтүватқанлиқлирини билдүрүп, «түркийә мудапиә санаитиниң қабилийитини биливатимиз. түркийә мудапиә санаити әң йахши сүпәтлик мунбәрләргә игә» дегәнликини хәвәр қилди.



مۇناسىۋەتلىك خەۋەرلەر