15.08.2022

«‹star› géziti», «türkiyedin dunyaning diqqitini tartidighan teshebbus» serlewhilik xewiride, munu uchurlargha orun ajratti:

jumhur reislik uchur - alaqe idarisi 12 dölette «birleshken döletler teshkilati xewpsizlik kéngishi islahati: xelqara tertipni qayta ornitishqa intilish» témisida bir yürüshlük yighin teshkilleydighan boldi. jumhur reislik uchur - alaqe idarisining b d t islahatigha alaqidar küchlük ammiwi diplomatiye herikiti bashlighanliqini tilgha alghan idare bashliqi fahrettin altun, yürüshlük yighinning xelqaraning küchlük diqqitini tartidighanqiliqini éytti.

«‹yéngi shepeq› géziti», «dölet mudapie ministirliqining qibris heqqide hembehirligen uchuri» serlewhilik xewiride, munu uchurlargha orun ajratti:

dölet mudapie ministirliqining yazma bayanatida, rum térrorluq teshkilati <EOKA> ning 1958 - yildin étibaren qibris türklirige sistémiliq hujum qilishqa bashlighanliqi eskertilip, «waqitning ötüshige egiship, bu hujumlar türklerge qaritilghan qiyn - qistaq, rehimsizlerche qatillliq we irqiy qirghinchiliq jinayitige aylandi» déyildi.

bayanatta, qibris mesilidiki birdinbir hel qilish charisining ikki döletlik qurulma ikenlikini körüp yétish lazimliqi tekitlendi.

«‹sabah› géziti», «türkiyede mudapie sanaitining yoli ochuq» serlewhilik xewiride, munu uchurlargha orun ajratti:

dölet mudapie sanaiti idarisi bashliqi ismail demir türkiyede armiye we bixeterlik qisimlirining barliq éhtiyajlirini dégüdek qanduridighan xizmetlerning dawamlishiwatqanliqini bildürüp, «türkiyede mudapie sanaitining aldi ochuqtur» dédi.

ismail demir türkiye mudapie sanaitining yéqinqi yillardin buyan zor ilgirileshlerni qolgha keltürgenlikini tekitlep: «dunyada dangliq marka bolushta yene nurghun muweppeqiyetlerni qolgha keltüridighanliqimizgha ishinimen» dédi.

«‹xeber türk› géziti», «türkiyening toqumichiliq éksporti 7 ay ichide 6 milyard dollardin éship ketti» serlewhilik xewiride, munu uchurlargha orun ajratti:

türkiyening toqumichiliq we toqumichiliq xam eshya sahesi 2022 - yili 1-aydin 7-ayghichebolghan mezgilde 6 milyard 119 milyon dollarliq éksportni emelge ashurdi. aldinqi yilining oxshash mezgilige sélishturghanda éksport nisbiti %9.5 ashti. shuning bilen toqumichiliq we toqumichiliq xam eshya sanaiti sahesi 1 - aydin 7-ayghiche bolghan mezgilde tarixidiki eng yuqiri éksport nisbitini qolgha keltürdi. bu yil 7 ayda, bu sahe italiyege 635 milyon dollarliq, amérikagha 340 milyon dollarliq we ispaniyege 323 milyon dollarliq mal éksport qildi.

«‹weten› géziti», «yerlik aptomobil zawutining échilish waqti élan qilindi» serlewhilik xewiride, türkiyening aptomobil karxana guruhi (TOGG) zawutining 29 - öktebirde kojaeli gebzede échilidighanliqini, sanaet we téxnika ministiri mustapa warankning «biz 29 - öktebirde türkiyening aptomobil zawutini achimiz. aptomobillirimiz türkümlep ishlepchiqirilip, yollargha chiqishqa bashlaydu» dégenlikini yazdi.