11.08.2022
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
«‹höriyet› géziti», «erdoghan soda we mudapie sanaitide hemkarliq signali berdi» serlewhilik xewiride, munu uchurlargha orun ajratti:
jumhur reis rejep tayyip erdoghan slowéniye pirézidénti borut paxor bilen ötküzgen birleshme muxbirlarni kütüwélish yighinida mudapie sanaiti we sodida hemkarliqni tekitlep mundaq dédi: «bizning ikki tereplik soda miqdarimiz bultur 2 milyard 300 milyon dollarliq sewiyige yetti. biz heqiqiy yoshurun küchimizni toluq ekis ettürmigen bu sanni ashurushni meqset qilimiz»
«‹xeber türk› géziti», «chawushoghlu: <biz p k k, fethullahchi we bashqa térorluq teshkilatlirining tetur teshwiqatigha qarshi küresh qiliwatimiz> dédi» serlewhilik xewiride, munu uchurlargha orun ajratti:
tashqi ishlar ministiri mewlut chawushoghlu 13-nöwetlik bash elchiler yighinida bash elchilerge xitab qilip «biz p k k, fethullahchi we bashqa térorluq teshkilatlirining tetur teshwiqatlirigha we böhtanlirigha qarshi küresh qiliwatimiz» dédi.
«‹sabah› géziti», «abdulhemid xan dunyaning kün tertipide» serlewhilik xewiride, munu uchurlargha orun ajratti:
türkiyening 4 – chong burghilash paraxoti we dunya boyiche 5 - chong burghilash paraxoti bolghan abdulhemid xan alahide murasim bilen wezipisini bashlidi. nurghun döletler, bolupmu grétsiye teripidin közitilgen murasimda, jumhur reis rejep tayyip erdoghanning «biz heq - hoquqimizni qoghdash üchün zörür tépilghanda chishmu chish küresh qilishtin chékinmiduq we hergiz chékinmeymiz» dégen sözliri bash téma qilindi. girétsiyening hökümet bayanatchisi bolsa «biz hoshyar bolushimiz kérek» dep bayanat élan qildi.
«‹yéngi shepeq› géziti», «türkiyening tunji qoralliq insansiz déngiz paraxoti SİDA ning türkümlep ishlepchiqirilishi bashlandi» serlewhilik xewiride, munu uchurlargha orun ajratti:
türkiyening tunji qoralliq insansiz déngiz paraxoti (SİDA) sinaq we emeliyet jeryanidiki mupeqqiyettin kéyin, bezi döletlerning telipige asasen, her yili 50 dane ishlepchiqirishni bashlidi.
«‹star› géziti», «tengpungluqni özgertidighan heriket: enqerede mexsus orun ajritildi» serlewhilik xewiride, munu uchurlargha orun ajratti:
soda ministiri mehmet mush özek ishlepchiqirish astilap ketken chaghda, aptomobil we kompyutér ishlepchiqirishningmu astilaydighanliqini tekitlep: «(özek ishlepchiqirish üchün) türkiye bolush süpitimiz bilen bizningmu teyyarliqlirimiz bar. hetta, enqerede mexsus orun ajritildi. bu mesilige munasiwetlik ministirliqimizning xizmitimu mewjut» dédi.
