05.08.2022

türkiye awazi radiyosi xewiri: «star» géziti, tashqi ishlar ministiri mewlut chawushoghluning tünügün bayanat bérip: «rusiye-ukraina urushi bashlanghandin buyan türkiye intayin küchlük tirishchanliq körsetmekte. bu jehettiki tirishchanliqimizni dawamlashturimiz» dégenlikini yazdi.

«yéngi shepeq» géziti, rusiye pirézidéntliq mehkimisi — kirémil bayanatchisi dimitriy péskowning tünügün bayanat bérip, istanbulda 22 – iyulda imzalanghan ashliq karidori échish kélishimige isharet qilghan halda: «shexsen jumhur reis rejep tayyip erdoghanning zor töhpisi barliqini eskertish kérek» dégenlikini xewer qildi.

«hürriyet» géziti, qatnash we ul eslihe ministiri adil qaraismailoghluning: «meqsitimiz 2023-yilining ikkinchi charikide türksat 6A ni alem boshluqigha qoyup bérish. 2023 – yili türksat A6ni alem boshluqigha qoyup berginimizde, türkiye alem boshluqida öz süniy hemrahi bar aldinqi 10 döletning birige aylinidu» dégen sözlirini oqurmenliri bilen ortaqlashti.

«weten» géziti, türkiyening yerlik aptomobil ishlepchiqirish shirkiti TOGG ning twittérdiki adrésida uchur hembehrilep: «gemlik zawutimizgha orunlashturulghan tunji turgo tok qachilash üskünimizni sinaq qilishni bashliduq. üsküne 25 minutta bataréyening %80 ni toldurdi» dégen ibarilerge orun bergenlikini yazdi.

«sabah» géziti, rézhissor semih kaplanoghluning mukapatqa érishken filimi «baghliliq hesen»ning firansiyede tamashibinlar bilen körüshkenlikini, döletning aldinqi qatardiki axbarat organlirining filimgha yuqiri baha bergenlikini xewer qildi.