07.07.2022

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1853163
07.07.2022

«‹star› géziti», «fethullahchi térrorluq teshkilati shimaliy atlantik ehdi teshkilatining tizimlikige térorluq teshkilati süpitide kirdi» serlewhilik xewiride, munu uchurlargha orun ajratti:

jumhur reis rejep tayyip erdoghan hazirgha qeder peqet yawropa ittipaqining tizimlikidila bolghan bölgünchi térorluq teshkilati p k k ning emdilikte yawropa ittipaqining tizimlikidila emes, belki shimaliy atlantik ehdi teshkilatining tizimlikidimu orun alghanliqini we p y d/y p g we fethullahchi térrorluq teshkilatliriningmu térorluq teshkilatliri süpitide tizimlikke kirgenlikini éytti.

«‹höriyet› géziti», «erdoghan: <somaligha qilghan yardimimiz 1 milyard dollardin ashti> dédi» serlewhilik xewiride, jumhur reis rejep tayyip erdoghan bilen somali prézidénti hesen sheyx mehmudning jumhur reislik sariyida birleshme axbarat élan qilish yighini chaqirghanliqini, erdoghanning, «yéqinqi 10 yilda somaligha qilghan yardimimizning omumiy sommisi 1 milyard dollardin ashti. bügünki künde somalining nurghun sahelerde tereqqiy qiliwatqanliqini körüp xushal boldum» dégenlikini yazdi.

«‹xeber türk› géziti», «xulisi aqar: <ashliq karidori üchün tirishiwatimiz> dédi» serlewhilik xewiride, dölet mudapie ministiri xulusi aqarning ukraina portliridin ashliq qachilanghan paraxotlarni tarqaqlashturush üchün qurulishi pilanlanghan <ashliq karidori> üstide toxtilip, «yéqindin buyan ijabiy netijilerni qolgha keltürüsh üchün pütün küchimiz bilen tirishiwatimiz» dégenlikini we türkiyening tirishchanliqi xelqara sehnide alqishqa érishkenlikini eskertkenlikini yazdi.

«‹weten› géziti», «abdulhemid xan burghilash paraxoti wezipe öteshke teyyar» serlewhilik xewiride, munu uchurlargha orun ajratti:

énérgiye we tebiiy bayliqlar ministiri fatih donmez türkiye burghilash paraxoti etritige yéngi qoshulghan we dunyadiki 5 paraxotning biri hésablinidighan türkiyening 4 - burghilash paraxotidiki teyyarliqlarni neq meydanda közdin kechürüp, «paraxotimiz awghustning deslepki yérimida wezipe bashlaydu. birinchi wezipe orni belkim aq déngiz bolushi mumkin» dédi.

«‹yéngi shepeq› géziti», «grétsiye polkowniki: <türkiyege qarshi bihude qoralliniwatimiz> dédi» serlewhilik xewiride, munu uchurlargha orun ajratti:

grétsiye hawa armiyesi herbiy mektipining léktori polkownik konstantinos zikidis grétsiyeni türkiye bilen sélishturushning qayghurush yaritidighanliqini éytti. polkownik zikidis «biz bihude türkiyege qarshi qoralliniwatimiz. türkiyening herbiy iqtidari bilen riqabetlishelmeymiz» dédi.

 



مۇناسىۋەتلىك خەۋەرلەر