30.06.2022

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1850246
30.06.2022

«‹sabah› géziti», «erdoghan we baydinning uchriishishi» serlewhilik xewiride, munu uchurlargha orun ajratti:

jumhur reis rejep tayyip erdoghan tünügün ispaniyening paytexti madridta ötküzülgen shimaliy atlantik ehdi teshkilati dölet we hökümet bashliqliri yighinida amérika pirézidénti jo baydin bilen körüshti. erdoghan uchrishishtin ilgiri élan qilghan bayanatida, «shimaliy atlantik ehdi teshkilatini kücheytish üchün tashlinidighan qedemler,  bolupmu rusiye-ukraina meslisige alahide töhpe qoshidu» dédi we yene ashliq karidori toghrisida toxtilip, «biz tengpungluq siyasiti bilen bu jeryanni hel qilishqa tirishiwatimiz» dédi.

«‹höriyet› géziti», «madridtiki shimaliy atlantik ehdi teshkilati bashliqlar yighini: 2 döletke natoning teklipi... türkiyege rexmet» serlewhilik xewiride, munu uchurlargha orun ajratti:

ispaniyening paytexti madridta ötküzülgen 32 - nöwetlik shimaliy atlantik ehdi teshkilati bashliqlar yighinidin kéyin élan qilinghan birleshme doklatta, «bügün biz finlandiye we shiwitsiyeni shimaliy atlantik ehdi teshkilatigha qatnishishqa teklip qilish we qoshulush kélishimige imza qoyushni qarar qilduq» déyildi. shimaliy atlantik ehdi teshkilati bash katipi jéns stolténbérg bashliqlar yighinidin kéyin bergen bayanatida, türkiyege rexmet éytti we: «bu kélishim türkiye üchün shundaqla shiwitsiye we finlandiye üchünmu yaxshi kélishim boldi» dédi.

«‹star› géziti», «türkiyening muweppeqiyiti dunyaning kün tertipidin orun aldi» serlewhilik xewiride, munu uchurlargha orun ajratti:

türkiye qetiy meydanini buzmidi, madridta finlandiye we shiwitsiye bilen imzalanghan «üch terep kélishimi» de konkrét netijilerge érishti. kélishim dunya metbuatlirida keng orun aldi. jeryanni yéqindin közitiwatqan dunya metbuatliri türkiyening özi érishmekchi bolghanni qolgha keltürgendlikini yazdi. «The Economist» zhurnili türkiyening shimaliy atlantik ehdi teshkilatining kandidatliqi üchün finlandiye we shiwitsiyeni tosushni bikar qilghanliqini xewer qildi. xewerlerge «rejep tayyip erdoghan ghelibe bilen qaytti» dégen serlewhe ishlitildi.

«‹weten› géziti», «shimaliy atlantik ehdi teshkilati türkiyege muhim wezipe berdi» serlewhilik xewiride, munu uchurlargha orun ajratti:

shimaliy atlantik ehdi teshkilati türkiyege bir yil dawam qilidighan halqiliq bir wezipini tapshurdi. natoning mina urushigha qarita déngiz armiyesi meshiq paaliyetlirige mesulluq wezipisini hemde shimaliy atlantik ehdi teshkilatining daimliq minagha qarshi turush tedbirliri déngiz armiyesi 2 - guruppisining qomandanliqini bir yilliq muddet bilen türkiyege tapshurdi.

«‹yéngi shepeq› géziti», «istanbul may éyida sayahetchi kütüwilish rékorti yaratti» serlewhilik xewiride, istanbulning may éyida 1 milyon 402 ming 366 chetellik sayahetchini kütüwalghanliqini we yéqinqi 33 ay ichidiki eng köp sayahetchi kütüwilish rékorti yaratqanliqini yazdi.



مۇناسىۋەتلىك خەۋەرلەر