24.05.2022

türkiye awazi radiyosi: «sabah géziti», türkiye jumhur reisi rejep tayyip erdoghanning finlandiye bilen shiwétsiyening natogha eza bolushi üstide toxtilip, her ikki dölettin térrorluqqa qarshi küresh mesiliside konkrét qedemlerni kütidighanliqlirini éytqanliqini xewer qildi.

«star géziti», liwanda chiqidighan «taktikal réport géziti» ning, seudi erebistanning türkiye tereqqiy qildurup yasighan «bayraktar akinji uchquchisiz hawa apparati» ni sétiwélish üchün heriketke ötkenlikini xewer qilghanliqini bildürdi.

«yéngi shepeq géziti», xelqara kridét bahalash orgini mudis (Moody) dölet xéyim-xeterliri guruppisining muawin bashliqi katrin miyulbronnér (Kathrin Muehlbronner) ning, türkiye bankalirining asasining mustehkem we éniq bolghan iqtisadiy tengpungluqni kapaletke ige qilidighan muhim amillarning ichide ikenlikini bildürüp: «türkiye iqtisadining berdashliq bérish küchi her qachan yuqiri boldi. türkiye iqtisadiy chong we köp xilliqqa ige» dégenlikini xewer qildi.

«weten géziti», 2022-yili aprél éyida chet ellik sayahetchiler sanining ötken yilning (2021) oxshash mezgilige sélishturghanda %225.59 éship 2 milyon 574 ming 423 ke yetkelikini xewer qildi.

xewerde, %15.36 lik éshish bilen gérmaniye sayahetchilirining birinchi, %10.53 lik éshish bilen bulghariyeliklerning ikkinchi orunda, %8.75 lik éshish bilen engliyeliklerning üchinchi orunda turidighanliqi qeyt qilindi.