27.04.2022

bügünki türkiye gézitliride asasiy salmaqni igiligen xewerlirimiz töwendikiche:

1818952
27.04.2022

 türkiye awazi radiyosi: «‹star› géziti», erdoghandin putingha istanbul teklipi» serlewhilik xewiride,  töwendiki uchurlarni oqurmenlirining diqqitige sundi:

jumhur reis rejep tayyip erdoghan rusiye pirézidénti wiladimir putin bilen téléfonda körüshti. téléfon söhbitide, jumhur reis erdoghan, rusiye – ukraina otturisida tinchliqqa élip baridighan yolning échilishi üchün istanbul muzakiriliride qolgha keltürülgen heriketlendürgüch küchni dawamlashturushning hemme terepke paydiliq ikenlikini rusiye terepke bildürüsh bilen bir waqitta, istanbul muzakirilirining  muhim bosughisi bolghan istanbul musapisini rehberler sewiyesige yetküzüsh teklipini qayta otturigha qoyghan.

«‹höriyet› géziti»,  «yépiq makanlarda maska taqash mejburiyiti bikar qilindi» serlewhilik xewiride, munu uchurlargha orun ajratti:

jumhur reis rejep tayyip erdoghan, «yépiq makanlarda maska taqash mejburiyiti pütünley bikar qilindi. maska taqash peqet ammiwi qatnash wasitiliri we sehiye orunliridila bir mezgil dawamlishidu» dédi.

«‹weten› géziti», «<bozdagh <türkiyening sot mehkimiliri musteqil halda qarar chiqirish hoquqigha ige> dédi» serlewhilik xewiride, munu uchurlarni  oqurmenlirining diqqitige sundi:

edliye ministiri bekir bozdagh, amérika qoshma ishtatlirining osman kawalagha éghirlashqan muddetsiz qamaq jazasi bérilishini «ümidsizlik» dep atishigha jawab qayturup mundaq dédi: «ne amérika qoshma ishtatliri, ne bashqa bir döletning türkiyening sot ishlirigha qarita pikir bayan qilish hoquqi yoqtur. ular özlirining ishlirigha köngül bölsün.»

«‹yéngi shepeq› géziti», «gebzede ishlepchiqirilghan 5 dane uchquchisiz hawa apparati engliyege éksport qilindi» serlewhilik xewiride, gebzede ishlepchiqirilghan « Jackal» namliq yerlik yumtalliq 5 dane uchquchisiz hawa apparatining engliyege éksport qilinghanliqini, hemde uchquchisiz hawa apparatini sétiwalghan engliye shirkiti mesulining munu sözlirini oqurmenlirining diqqitige sundi: «türkiye heqiqeten bu jehette derijidin tashqiri chong döletke aylinish yolida algha ilgirilimekte. <türkiye yéqin kelgüside téximu zor utuqlarni qolgha keltüridu>, dep oylaymen.»

«‹xewer türk› géziti», «warank < IMECE noyabirdin bashlap qoyup bérilishke teyyar halgha kélidu> dédi» serlewhilik xewiride, munu uchurlarni  oqurmenlirining diqqitige sundi:

sanaet we téxnologiye ishliri ministiri mustafa warank, türkiyening tunji  yerlik we milliy közitish süniy hemrahi IMECE ning 2023-yili 15 – yanwar küni alem boshluqi sayahiti kalindari heqqide mundaq dédi: «bu süniy hemrah pat yéqinda taqilidu, axirqi sinaq basquchigha kiridu, andin amérika qoshma ishtatlirigha ewetilidu, noyabirghiche qoyup bérilishke teyyar halgha kélidu.»



مۇناسىۋەتلىك خەۋەرلەر