13.04.2022
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «‹star› géziti», «jumhur reis erdoghan ichki kabinét yighinidin kéyin bayanat élan qildi» serlewhilik xewiride, töwendiki melumatlarni oqurmenlirining diqqitige sundi:
jumhur reis rejep tayyip erdoghan, tünügün chaqirilghan ichki kabinét yighinidin kéyin élan qilghan bayanatida, «türkiye londondin béyjingghiche, sibiriyedin jenubi afriqaghiche sozulidighan keng jughrapiyelik eshya oboroti küchige aylinish yolida ghelibiséri algha ilgirilimekte» dédi.
«‹höriyet› géziti», «jumhur reislik mehkimisi bayanatchisi ibrahim qalin italiye tashqi ishlar ministirliqi bash katipi éttoré sékwiy bilen körüshti» serlewhilik xewiride, munu uchurlargha orun ajratti:
jumhur reislik mehkimisi bayanatchisi ibrahim qalin, tünügün paytext enqerede jumhur reislik mehkimiside, italiye tashqi ishlar ministirliqi bash katipi éttoré sékwiy bilen körüshti. uchrishishta, ikki terep munasiwetliridin sirt yene, rusiye – ukraina urushi we liwiyediki özgirishler heqqide muzakire élip bérildi.
«‹weten› géziti», «aqar ‹ayropilanlirimizni dölitimizge qayturup kélimiz› dédi» serlewhilik xewiride, munu uchurlarni oqurmenlirining diqqitige sundi:
dölet mudapie ministiri xulusi aqar, insanperwerlik yardem buyumliri élip barghan ukrainada hawa tewelikining taqiwétilishidin kéyin, borispol ayrodurumida qalghan türkiyege tewe «A400M» tipliq ikki yük ayropilanining, sharait yar bergen haman türkiyege qayturup kélinidighanliqini éytti.
«‹sabah› géziti», «istanbul ayrodurumi eng yüksek sewiyege qarap ilgirilimekte» serlewhilik xewiride, töwendiki melumatlarni oqurmenlirining diqqitige sundi:
xelqara ayrodurumlar kéngishining 2021 – yilliq sanliq melumatlirigha asasen teyyarlanghan tizimlikke qarighanda, istanbul xelqara ayrodurumi, 26 milyon 500 ming yoluchigha mulazimet qilish arqiliq xelqara yoluchi toshushta ikkinchi bolghan.
«‹xewer türk› géziti», «méwe we köktat éksportidin bu yilning deslepki charikide 762 milyon dollarliq kirim qilindi» serlewhilik xewiride, munu uchurlargha orun ajratti:
türkiyening méwe we köktat éksporti, 2022 – yilining deslepki charikide 762 milyon 663 ming dollargha yetti.
