21.01.2022

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1766043
21.01.2022

türkiye awazi radiyosi: «sabah» géziti: «erdoghanning birleshme axbarat élan qilish yighinidiki bayanatliri» serlewhilik xewiride, jumhur reis rejep tayyip erdoghanning tünügün salwador pirézidénti nayib bukélé bilen ötküzgen birleshme muxbirlarni kütüwélish yighinida rusiye - ukraina jiddiychiliki toghrisida toxtilip: «bizning arzuyimiz (rusiye pirézidénti wiladimir) putin bilen (ukraina pirézidénti wiladimir) zélénskiyni bir yerge jem qilish, yüzturane körüshüshlirini kapaletlendürüsh» dégenlikini oqurmenliri bilen ortaqlashti.

«xabertürk» géziti: «chawushoghlu rum teripige naraziliq bildürdi» serlewhilik xewiride, dölitimiz (türkiye jumhuriyiti) tashqi ishlar ministiri mewlüt chawushoghluning, qibris rum teripining bölgünchi térrorluq teshkilati p k k ning atalmish siyasiy qaniti bolghan p y d ning öz tewelikide ishxana échishigha ruxset qilghanliqi toghrisida toxtilip: «térrorluq teshkilatlirigha ishxana achquzush, ulargha sahibxanliq qilish ot bilen oynishishtur. ular bu yerde ularning ishxana échishigha yol qoyuwatidu. kelgüside bu yerdin türkiyege tehdit sélinip, qibris türklirige hujum qilinip qalsa, biz buning bedilini töletküzimiz, bu bedel éghir bolidu, ular ot bilen oynimisun, térrorluq teshkilatliri bilen hemkarliq ornatmisun» dégenlikini yazdi.

«hörriyet» géziti: «ministir koja <bu dunyada bir yéngiliq bolidu> dep élan qildi» serlewhilik xewiride, sehiye ministiri fahrettin kojaning: « ikki quta bionték waksinisigha ilawe bir quta turkowak waksinisi sélishni bashlaymiz. MRNA ning üstige aktiplanmighan waksina emlesh dunyada tunji qétimliq ish bolidu» dégenlikini yazdi.

«star» géziti: «türkiye bazisigha 6-qétimliq charlash sepiri» serlewhilik xewiride, (türkiye) sanaet we téxnologiye ministiri mustapa warankning yene ikki kündin kéyin antarktikagha altinchi qétimliq ékispéditsiye sepirining bashlinidighanliqini bayan qilip: «silergimu melum bolghinidek, biz 2017- yildin buyan chong quruqluqqa 5 qétim ilim - pen ékispéditsiyesi teshkilliduq. inshaallah, ikki kündin kéyin 20 kishilik guruppa bilen 6- qétimliq ékispéditsiyemizni bashlaymiz» dégenlikini oqurmenliri bilen ortaqlashti.

«weten» géziti: «osmanli sultanlirining engiliyediki resimliri 1 milyon 346 ming fondstérlinggha sétildi» serlewhilik xewiride, shotlandiyelik bir qanche ewlad bir aile kishiliri yashap kelgen bir öyning yuqiri qewitidin tépilghan besh osmanli sultanining may boyaq resimlirining bir milyon 346 ming fondstérlinggha sétilghanliqigha dair uchurlargha orun berdi.


خەتكۈچ: #uyghurche , #gézit , #metbuat , #türkiye

مۇناسىۋەتلىك خەۋەرلەر