20.01.2022

«‹weten› géziti», «erdoghan: türkowak waksinasi sayisida biz özimizge téximu ishench bilen qarimaqtimiz» serlewhilik xewiride, jumhur reis rejep tayyip erdoghanning kabinét yighinidin kéyin élan qilghan bayanatida, kowid-19 yuqumining yéngi dolqunida pütün dunyaning qéyinchiliqliri dawamlishiwatqanliqini tekitlep, «sehiye sistémisimiz, doxturxana we jiddiy dawalash bölümlirimiz yuqumgha qarshi küreshte kéreklik her xil éhtiyajlarni qanduralaydighan sewiyededur. türkowak waksinasi sayisida biz özimizge téximu ishench bilen qarimaqtimiz» dégenlikini yazdi.

«‹yéngi shepeq› géziti», «jumhur reis erdoghan ukrainagha baridu» serlewhilik xewiride, jumhur reis bayanatchisi ibrahim kalinning: «türkiye rusiye bilen ukraina otturisidiki ziddiyetni peseytish üchün oynalaydighan her qandaq rolni öz üstige élishqa teyyar. biz buni hem rusiye hem ukrainagha dost bir dölet shundaqla shimaliy atlantik ehdi teshkilatining ittipaqdishi bolush süpitimiz qilimiz. aldimizdiki hepte ichide jumhur reis erdoghan ukrainagha bérip pirézidént zélénskiy bilen körüshidu» dégenlikini yazdi.

«‹höriyet› géziti», «shentop sherqiy aq déngiz heqqide bayanat élan qildi» serlewhilik xewiride, türkiye büyük millet mejlisi (parlaménti) reisi mustafa shentopning sherqiy aq déngiz turuba liniyesi (EastMed) layihesi heqqide toxtilip, «biz bashtin-axir bu layihening u shekli bilen soda xaraktérlik emeslikini bilettuq. türkiyege düshmenlishish nuqtisidinla heriket qilidighan mundaq bir layihening siyasiy meqset bilen emelge ashmaydighanliqini bashtinla éytqan iduq» dégenlikini yazdi.

«‹star› géziti», «gollandiyedin türkiyege medhiye» serlewhilik xewiride, munu uchurlargha orun ajratti:

türkiyening qoralliq uchquchisiz ayropilani (SİHA) heqqide gollandiyening «NRC» gézitide élan qilinghan analizda, bayraqtar t b 2 üchün dunya boyiche eng ilghar» dégen terip ishlitildi. analizda yene, gollandiyelik mudapie mutexessisi stijén mitzérning «bayraqtar t b 2  meshghulat jehette dunya boyiche eng ilghar» dégen sözlirigimu orun ajratti.

«‹sabah› géziti», «dunya putbol cholpanlirini arqida qaldurdi» serlewhilik xewiride, munu uchurlargha orun ajratti:

«Football Wonderkids» jemiyiti teripidin teyyarlanghan tizimlikke asaslanghanda, yawropa birleshmiside eng köp yardemchi bolghan topchilar békitildi. bu tizimlikte türkiyedin kelgen yunus aqgünning namini aldinqi pilangha chiqti we nurghun yash cholpanlarni arqida qaldurdi.