12.01.2022
بۈگۈنكى تۈركىيە گېزىتلىرىدە ئاساسىي سالماقنى ئىگىلىگەن خەۋەرلىرىمىز تۆۋەندىكىچە:
تۈركىيە ئاۋازى رادىيوسى: «‹خەۋەر تۈرك› گېزىتى»، «تاشقى ئىشلار مىنىستىرى مەۋلۈت چاۋۇشئوغلۇ، <قازاقىستاننىڭ يېنىدىمىز> دېدى» سەرلەۋھىلىك خەۋىرىدە، تۆۋەندىكى مەلۇماتلارنى ئوقۇرمەنلىرىنىڭ دىققىتىگە سۇندى:
تاشقى ئىشلار مىنىستىرى مەۋلۈت چاۋۇشئوغلۇ، تۈنۈگۈن ئېلان قىلغان باياناتىدا، «بارلىق ئىمكانىيەتلىرىمىز بىلەن قازاقىستاننىڭ يېنىدىمىز، بارلىق ئىمكانىيەتلىرىمىزنى سەپەرۋەر قىلىشقا تەييارمىز» دېدى.
«‹ھۆرىيەت› گېزىتى»، «مىنىستىر ئاقار، <22 تېررورچى بىر تەرەپ قىلىندى، بۆلگۈنچى تېررورلۇق تەشكىلاتى پ ك ك/ي پ گ گە ئەجەللىك زەربە بېرىشنى ئۈزلۈكسىز داۋاملاشتۇرىمىز> دېدى» سەرلەۋھىلىك خەۋىرىدە، مۇنۇ ئۇچۇرلارغا ئورۇن ئاجراتتى:
دۆلەت مۇداپىئە مىنىستىرى خۇلۇسى ئاقار، شانلىئۇرفا ۋىلايىتىنىڭ ئاقچاقەلئە ناھىيەسىدە 3 ئەسكەر شېھىت بولغان تېررورلۇق ھۇجۇمى ھەققىدە ئېلان قىلغان باياناتىدا، مۇنداق دېدى: «بۆلگۈنچى تېررورلۇق تەشكىلاتى پ ك ك/ي پ گ گە ئەجەللىك زەربە بەردۇق، بۇنىڭدىن كېيىنمۇ داۋاملىق شۇنداق قىلىمىز، ھازىرغىچە 22 تېررورچى بىر تەرەپ قىلىندى، تېررورچىلارنى جازالاندۇرۇش نىشان قىلىنغان ھەرىكەتلىرىمىز يەنىمۇ يۈكسەك سەۋىيەدە ئىزچىل داۋاملىشىدۇ.»
«‹ساباھ› گېزىتى»، «تۈركئالى – 1 قۇدۇقى ئېقىمى سىنىقى مۇۋەپپەقىيەتلىك تاماملاندى» سەرلەۋھىلىك خەۋىرىدە، مۇنۇ ئۇچۇرلارنى ئوقۇرمەنلىرىنىڭ دىققىتىگە سۇندى:
تۈركىيە نېفىت پاي شىركىتى، ساكاريا تەبىئىي گاز ساھەسىدىكى تۈركئالى – 1 بايقاش قۇدۇقىدا، تۇنجى سۇ ئامبىرى سەۋىيەسىدىكى قۇدۇق ئېقىمى سىنىقىنىڭ مۇۋەپپەقىيەتلىك تاماملانغانلىقىنى ئۇقتۇردى.
«‹ستار› گېزىتى»، «گېرمانىيەگە قىلىنغان ئېكسپورت رېكورت سەۋىيەگە يەتتى» سەرلەۋھىلىك خەۋىرىدە، تۆۋەندىكى مەلۇماتلارنى ئوقۇرمەنلىرىنىڭ دىققىتىگە سۇندى:
تۈركىيەنىڭ ئۆتكەن يىلى گېرمانىيەگە قىلغان ئېكسپورتى ئەڭ يۈكسەك سەۋىيەگە يەتتى. تۈركىيەنىڭ 2021-يىلى گېرمانىيەگە قىلغان ئېكسپورتى، يىللىق نىسبەتتە % 22.9 ئېشىپ، 17 مىليارد 705 مىليون 400 مىڭ دوللارغا يەتتى. شۇنىڭ بىلەن، تۈركىيەنىڭ گېرمانىيەگە قىلغان ئېكسپورتى تارىختىكى ئەڭ يۈكسەك سەۋىيەگە يەتكەن بولدى.
«‹يېڭى شەپەق› گېزىتى»، «تۈركىيەدىن 5 دۆلەتكە ئايروپىلان سەپەرلىرى قايتىدىن باشلاندى» سەرلەۋھىلىك خەۋىرىدە، مۇنۇ ئۇچۇرلارغا ئورۇن ئاجراتتى:
«كوۋىد – 19» يۇقۇمىغا قارشى كۈرەش تەدبىرلىرى دائىرىسىدە پۇقرالار ئاۋىياتسىيە باش ئىدارىسى تەرىپىدىن توختىتىلغان جەنۇبىي ئافرىقا، بوتسۋانا، موزامبىك، نامبىيە ۋە زىمبابۋېگە قارىتا ئايروپىلان سەپەرلىرى تۈنۈگۈن قايتىدىن باشلاندى.
مۇناسىۋەتلىك خەۋەرلەر
19.04.2024
بۈگۈنكى تۈركىيە مەتبۇئاتىدا ئورۇن ئالغان بەزى مۇھىم خەۋەرلەرنىڭ قىسقىچە مەزمۇنلىرى تۆۋەندىكىچە: