09.12.2021

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1745095
09.12.2021

«‹хәбәр түрк› гезити», «әрдоған: <йүзлигән ғайәт зор селинмиларни йеқиндин көзитиватимиз> деди» сәрләвһилик хәвиридә, муну учурларни оқурмәнлириниң диққитигә сунди:

җумһур рәис рәҗәп таййип әрдоған түркийәниң ковид-19 йуқуми билән қайта шәкилләнгән дунйа иқтисади системисида алдинқи қатардики дөләтләрниң биригә айланғанлиқини ейтти. әрдоған мундақ деди: «бир қисми өз пуқралиримиз, йәнә бәзилири хәлқаралиқ мәбләғ салғучилар тәрипидин әмәлгә ашурулуватқан йүзлигән ғайәт зор селинмиларни йеқиндин көзитиватимиз.»

«‹стар› гезити», «русийә-украина киризисида түркийәниң йардимигә йешил чирағ» сәрләвһилик хәвиридә, муну учурларни оқурмәнлириниң диққитигә сунди:

украина пирезиденти владимир зеленскийниң ахбарат байанатчиси сергий никифоров русийә билән йүз бәргән донбас киризисидә түркийәниң музакирәгә қатнишишиға иҗабий қарайдиғанлиқини ейтти. җумһур рәис әрдоған «(русийә-украина җиддийлики) һәр икки тәрәпниң қошулуши билән мурәссә қилишта йаки арзу қилинған һәр қандақ шәкилдә йардәм берәләймиз» дәп байанат елан қилған иди.

«‹һөрийәт› гезити», «түркийә аләм бошлуқи риқабитигә миллий аләм қатниши пирограммиси билән тәййарлиқ қилмақта» сәрләвһилик хәвиридә, муну учурларни оқурмәнлириниң диққитигә сунди:

санаәт вә техника министири мустафа варанк түркийәни «миллий аләм қатниши пирограммиси» билән аләм бошлуқи риқәбитигә тәййарлаватқанлиқини тилға елип: «биз түрк инженерлири вә техника мутәхәссислири лайиһәлигән кемә билән айға қонуш нишаниға қарап хизмитимизни тезләттуқ. биз аләм бошлуқида маңдуридиған һибрит ракета моториниң синақлирини давамлаштуруватимиз» деди. түркийә 2023-йилиниң ахирида өзи ишләпчиқарған миллий вә өзгичә һибрит моторлуқ ракетаси билән айға йетип бериш вә қонушни әмәлгә ашурушни нишан қилмақта.

«‹йеңи шәпәқ› гезити», «йеқинқи 4 ай ичидә таможна дәрвазисидики йүк аптомобили зичлиқи %17 ашти» сәрләвһилик хәвиридә, муну учурларни оқурмәнлириниң диққитигә сунди:

түркийәниң експорт рекортини таможна дәрвазисида көргили болиду. күнигә оттура һесаб билән 5380 йүк аптомобили сиртқа чиқиватқан 6 таможна дәрвазисида йүк аптомобили зичлиқи йүз бәрмәктә. йеқинқи 4 ай ичидә йүк аптомобили зичлиқи %17 ашти. түркийәни ишләпчиқириш базиси дәп қарап йавропадин келиватқан заказларниң көпийишиму йүк аптомобиллириниң һәрикәтлирини ашурмақта.

«‹вәтән› гезити», «дунйа бойичә әң қиммәтлик таш пәқәт түркийәдинла чиқирилмақта» сәрләвһилик хәвиридә, муну учурларни оқурмәнлириниң диққитигә сунди:

дунйа бойичә әң қиммәтлик ташлардин бирси пәқәт түркийәдинла чиқиду. муғланиң милас районидин чиқидиған ташниң алмасқа қариғанда 10 миң һәссә аз тепилидиғанлиқи билдүрүлмәктә. дөләт ичи вә сиртида тәләп интайин йуқири болған бу ташниң әң арзулуқ әгәшкүчилири болса, һолливодтики даңлиқ шәхсләр. зибу - зиннәт сүпитидики диаспор тешиниң әң диққәт тартидиған тәрипи униң рәңгини өзгәртиш алаһидиликидур. диаспора теши күндүзи йешил рәңдә көрүнүш билән биргә шам йоруқида һалрәңгә өзгиридиу.

 



مۇناسىۋەتلىك خەۋەرلەر