07.12.2021

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1744071
07.12.2021

түркийә авази радийоси: «хәбәр түрк гезити», муавин җумһур рәис фуат октайниң иқтисадий ешиш нисбәтлиридин експортта йаритилған йеңи рекортларғичә вә санаәт ишләпчиқириштики ешиштин ишләпчиқириш күчигә қетилишларғичә болған нурғун көрсәткүчләрниң, вабаға қаримай түркийәниң йолини күчләнгән һалда давамлаштуруватқанлиқини оттуриға қойғанлиқини ейтқанлиқини хәвәр қилди.

«һөррийәт гезити», әзәрбәйҗан, өзбекстан вә венгирийәниң һәдийә қилған вухән вируси (Kovid-19) ваксиналири түркийәгә йетип кәлгәндин кейин, бу ваксиналарниң түркийә һәдийә қилған ваксиналар билән бирликтә һәрбий тирансипорт айропилани билән африқадики икки дөләткә әвәтилгәнликини хәвәр қилди.

«йеңи шәпәқ гезити», түркийәниң аптомобил гуруһи тог (TOGG)  твитетр бетидә учур һәмбәһирләп, йәрлик вә миллий аптомобил тогниң  2022-йили 5-8-йанвар күнлири американиң лас вегас шәһиридә өткүзүлидиған истемалчилар електир йәрмәнкиси (CES 2022) дә көргәзмигә қойулидиғанлиқини хәвәр қилди.

«сабаһ гезити», төвәндики қурларға орун аҗратти:

ваба мәзгилидә тәминләш зәнҗиридики тәңпуңсизлиқ  сәвәбидин деңиз тирансипортида кантейнир тепилмиди. ғәрб-шәрқ линйәсидики сода йолида башқа линйәләрни тепиш үстидә издиниш чоңқурлишиватқан бир вақитта, төмүр йоли тирансипортиға болған тәләп техиму көпәйди. хитайдин йавропағичә тутишидиған «бир йол ,бир бәлбағ»  лайиһәсиниң шималий каридори тошуп кәтти. бу сәвәбтин, тез тәрәққий қиливатқан вә түркийәдин өтидиған оттура каридорға болған тәләп барғансери көпийишкә башлиди.

оттура каридорға селинидиған мәбләғләрниң җәмий 8 тирилийонға йетиши мөлчәрләнмәктә.

«стар гезити», сербийә муавин сайаһәт минстири дунйа җәничниң пуқраларға түркийәни сайаһәт қилишни чақириқ қилип: «мән түркийәдә икки күн турдум, шундақ болсиму түркийә хәлқиниң қанчилик меһмандост икәнликини көрдүм. бу мени наһайити хушал қилди. сербийә пуқралириға түркийәни чоқум сайаһәт қилишни тәвсийә қилимән» дегәнликини хәвәр қилди.  



مۇناسىۋەتلىك خەۋەرلەر