06.12.2021

бүгүнки түркийә гезитлиридә асасий салмақни игилигән хәвәрлиримиз төвәндикичә:

1743512
06.12.2021

 түркийә авази радийоси: «‹һөрийәт› гезити», әрдоған «түрк айаллири көплигән һәқ – һоқуқларға йавропадин бурун еришти> деди» сәрләвһилик хәвиридә,  төвәндики учурларни оқурмәнлириниң диққитигә сунди:

җумһур рәис рәҗәп таййип әрдоған, айалларға беләт ташлаш вә сайлиниш һоқуқи берилишиниң 87 – йиллиқи мунасивити билән елан қилған синлиқ байанатида, түрк айаллириниң көплигән һәқ – һоқуқларға йавропадин бурун еришкәнликини тәкитлиди.

«‹стар› гезити», «бирләшкән дөләтләр тәшкилатиниң истанбул қарари» сәрләвһилик хәвиридә, төвәндики мәлуматларға орун аҗратти:

бирләшкән дөләтләр тәшкилати, җәнвәдики нуқтилиқ йәр шариви һәрбий һәрикәт органлирини истанбулға йөткәшни қарар қилди. алди билән, бирләшкән дөләтләр тәшкилатиниң «инсанпәрвәрлик маслаштуруш ишханиси»  түркийәгә йөткилиду. «инсанпәрвәрлик маслаштуруш ишханиси»  билән бирликтә бирләшкән дөләтләр тәшкилатиниң нуқтилиқ йәнә 8 оргининиң истанбулда ишхана ечиши үчүн хизмәт ишләнмәктә.

түркийә муавин дипломатийә министири йавуз селим қиран, бу һәқтә елан қилған байанатида, мундақ деди: «< инсанпәрвәрлик маслаштуруш ишханиси> ниң истанбулға келиши, бизниң истанбулни бирләшкән дөләтләр тәшкилатиниң баш оргиниға айландуруш нишанимиз үчүн муһим бир қәдәм болиду.»

«‹хәвәр түрк› гезити», «аридин 25 йил өткәндин кейин ливийәдин кәлгән тунҗи йолучилар парахоти измирға йетип барди» сәрләвһилик хәвиридә, муну учурларни  оқурмәнлириниң диққитигә сунди:

аридин 25 – йил өткәндин кейин түркийә – ливийә оттурисида ишқа кириштүрүлгән вә  һәптидә бир қетим ишқа ашурулидиған йолучилар парахоти қатниши даирисидә, тунҗи парахот измирға йетип берип, алсанҗақ портиға ләнгәр ташлиди. тунҗи парахотта 112 йолучи измирға кәлди.

«‹йеңи шәпәқ› гезити», «22 – нөвәтлик барселона әһдинамәси  конферанси анталйада чақирилиду» сәрләвһилик хәвиридә, муну учурларға орун аҗратти:

22 – нөвәтлик барселона әһдинамәси конферанси, 7-декабирдин 10-декабирғичә анталйада өткүзүлиду.  конферанста, ақдеңиздики муһит булғиниши, җанлиқларниң көп хиллиқиниң йоқап кетиши, йат җанлиқларниң мәвҗудийити вә килимат өзгириши  қатарлиқ мәсилиләр музакирә қилиниду. конферанстин кейин, түркийә, италийәдин «барселона  әһдинамәси  катибат башқармиси» вәзиписини өткүзүвалиду.

«‹сабаһ› гезити», «йапонийә сайаһәт копиратиплири бирлики йавропа қитәсидики әң гүзәл кәнтләрни таллиди, тизимликтә түркийәму бар» сәрләвһилик хәвиридә, төвәндики мәлуматларни оқурмәнлириниң диққитигә сунди:

йапонийә сайаһәт копиратиплири бирлики, йавропадики әң гүзәл 30 кәнтни таллиди. түркийәдин бурса вилайитиниң гөлийази кәнтиму бу тизимликкә киргүзүлди.



مۇناسىۋەتلىك خەۋەرلەر