01.12.2021

бүгүнки түркийә гезитлиридә асасий салмақни игилигән хәвәрлиримиз төвәндикичә:

1741335
01.12.2021

 түркийә авази радийоси: «‹йеңи шәпәқ› гезити»,  «җумһур рәис әрдоған макрон һәққидә тохталди» сәрләвһилик хәвиридә, муну учурларни  оқурмәнлириниң диққитигә сунди:

җумһур рәис рәҗәп таййип әрдоған, түркийә радийо – телевизийә оргини (TRT) ниң нәқ мәйдан пирограммисида күнтәртипкә мунасивәтлик мәсилиләр һәққидә тохталғанда, фирансийәниң семонт ширкити лафаргениң, террорлуқ тәшкилати даешқа иқтисадий йардәм бәргәнликиниң көплигән дәлил – испатлар вә сот мәһкимиси қарарлири арқилиқ испатланғанлиқини, бу әһвални фирансийә пирезиденти еммануел макронғиму ейтқанлиқини тәкитләп мундақ деди: «лафарге ширкитиниң қоллиши сайисида террорлуқ тәшкилати даеш бу йәрләрдә паалийәтләрни елип барди, һалбуки, мәзкур ширкәт, худди даешниң һәқиқий маһийитини һеч билмәйдиғандәк шундақ ишларни қиливатиду, нәйрәңвазлиқ қиливатиду, буларниң һәқиқий әпт – бәширәси мана мушундақтур, башқичә ейтқанда, улар икки йүзлимичидур.»

«‹һөрийәт› гезити», «җумһур рәис әрдоған әзәрбәйҗан пирезиденти илһам әлийевға телефон қилип, тәзийә билдүрди» сәрләвһилик хәвиридә, төвәндики мәлуматларға орун аҗратти:

җумһур рәис рәҗәп таййип әрдоған, әзәрбәйҗан пирезиденти илһам әлийевға телефон қилип, әзәрбәйҗанда һәрбий тик учар айропиланниң чүшүп кетиши нәтиҗисидә шеһит болуп кәткән әскәрләр үчүн тәзийә билдүрди.

«‹вәтән› гезити», «шәнтоп <биз һәрдаим пәләстин дөлитини қоллаймиз> деди» сәрләвһилик хәвиридә, муну учурларни  оқурмәнлириниң диққитигә сунди:

түркийә бүйүк милләт мәҗлиси башлиқи мустафа шәнтоп, пәләстин даваси һәққидә елан қилған байанатида, мундақ деди: «пәләстин давасида бизниң позитсийәмиз ениқ болуп, биз әркин, мустәқил вә пайтәхти шәрқий қуддус болған пәләстин дөлитини һәрдаим қоллаймиз.»

«‹сабаһ› гезити», «түркийәниң иқтисадий тәрәққийати 20 – г гуруһи әллири арисида муһим орунни игилиди» сәрләвһилик хәвиридә, төвәндики мәлуматларға орун аҗратти:

түркийәниң иқтисади 2021 – йилиниң үчинчи пәслидә % 7.4 тәрәққий қилди.

 түркийә истатистика оргининиң санлиқ мәлуматлириға қариғанда, түркийә иқтисадий тәрәққийат җәһәттин бу йилниң үчинчи пәслидә 20 – г гуруһи әллири арисида алдинқи орунни игилигән, иқтисадий һәмкарлиқ вә тәрәққийат тәшкилатиға әза дөләтләр ичидә болса иккинчи қатардин орун алған.

«‹стар› гезити», «варанк <түркийәниң антарактика илим – пән базиси қуруш паалийәтлири давамлашмақта> деди.» сәрләвһилик хәвиридә, төвәндики мәлуматларға орун аҗратти:

санаәт вә технологийә ишлири министири мустафа варанк, түркийәниң антарактика илим – пән базиси қуруш паалийәтлириниң қойуқ һаләттә давамлишиватқанлиқини вә бу базиниң уқум лайиһәсини тамамлиғанлиқлирини байан қилди.



مۇناسىۋەتلىك خەۋەرلەر