30.11.2021

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1740710
30.11.2021

түркийә авази радийоси: «йеңи шәпәқ гезити», түркийә җумһур рәиси рәҗәп таййип әрдоғанниң түркмәнистан зийаритидин қайтиш сәпиридә муһим байанатларни елан қилғанлиқини хәвәр қилди.

хәвәрдә, әрәб бирләшмә хәлипиликиниң түркийәгә 10 милйард долларлиқ мәбләғ селиш пилани сунғанлиқини билдүрүп: «буни иҗра қилип, охшимиған кәлгүсини бәрпа қилған болимиз» дегәнлики қәйт қилинди.

«һөррийәт гезити», түркийә дөләт мудапиә минстирлиқи түнүгүн  (2021-йили б29-нойабир) байанат елан қилип, сүрийәдин қанунсиз йоллар билән түркийә чеграсидин өтмәкчи болған йәттә кишиниң тутулғанлиқини хәвәр қилди.

хәвәрдә, тутулғанлар ичидә, қизил рәңлик категорийәдә тутуш буйруқи чиқирилған бир кишиниң барлиқи билдүрүлди.

«стар гезити», түркийәниң експортиниң өктәбир ейи (2021) да өткән йил (2020) ниң охшаш мәзгилидикигә селиштурулғанда %20.1 ешип 20 милйард 792 милйон долларға, импортниң %12.8 ешип 22 милйард 230 милйон долларға йәткәнликини хәвәр қилди.

«хәбәр түрк гезити», дийарбакир сепилидики 71-бурҗниң «мәрвани һөкүмдари» ниң сарийи икәнликиниң бекитилгәнликини хәвәр қилди.

хәвәрдә, «мәрвани сарийи» селинғандин кейин мәдәнийәт мәркизигә айлинип, нурғун алимлар вә мутәпәккурлар келидиған җай болғанлиқи қәйт қилинди.



مۇناسىۋەتلىك خەۋەرلەر