29.11.2021

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1740074
29.11.2021

түркийә авази радийоси: «һөррийәт» гезити: «әрдоған: террорлуққа қарши турушта хәлқара һәмкарлиқ интайин муһим (деди)» сәрләвһилик хәвиридә, (түркийә җумһурийити җумһур рәиси) рәҗәп таййип әрдоғанниң террорлуққа қарши турушта район вә хәлқара һәмкарлиқниң интайин муһимлиқини тәкитләп, <террорлуқ тәшкилатлириға қарши уларни бир - биридин пәрқләндүрмигән асаста күрәш қилишимиз керәк... районимиздики  п к к, й п г, фәтө, даеш қатарлиқ қоли қанлиқ террорлуқ тәшкилатлири тазиланғансери тинчлиқ, муқимлиқ вә иқтисадий тәрәққийатниң сүрити ашиду» дегәнликини йазди.

«йеңи шәпәқ» гезити: «әрдоған дост вә қериндаш дөләтләргә шималий қибрис түрк җумһурийити тоғрисида чақириқ елан қилди» сәрләвһилик хәвиридә, җумһур рәис рәҗәп таййип әрдоғанниң, иқтисадий һәмкарлиқ тәшкилатиниң түркмәнистан пайтәхти ашхабатта өткүзүлгән 15- нөвәтлик башлиқлар йиғинида сөз қилип, қибрис мәсилисидә қибрис түрк хәлқиниң игилик һоқуқ баравәрлики вә баравәр хәлқара салаһийитиниң етирап қилинишиниң мәсилини һәл қилишниң ачқучи икәнликини оттуриға қойуп: «мән барлиқ дост вә қериндаш дөләтләрниң шималий қибрис түрк җумһурийитиниң сақлиниватқан мәсилиләрни һәл қилиш қаришиға бир тәрәплимә баһа беришини үмид қилимән» дегәнликини оқурмәнлири билән ортақлашти.

«стар» гезити: «шималий қибрис түрк җумһурийити қоллаш байанатлириға миннәтдарлиқ билдүрди» сәрләвһилик хәвиридә, шималий қибрис түрк җумһурийити җумһур рәиси әрсин татарниң: «тунҗи қетим җәнвәдә оттуриға қойған баравәр игилик һоқуқлуқ, икки айрим дөләт қуруш тәклипимиз күнтәртиптики орнини сақлап келиватқан мушундақ бир пәйттә, җумһур рәис рәҗәп таййип әрдоғанниң түркмәнистанда чақирилған иқтисадий һәмкарлиқ тәшкилатиниң 15 – нөвәтлик башлиқлар йиғинида, <дост вә қериндаш дөләтләрни шималий қибрис түрк җумһурийитиниң сақлиниватқан мәсилиләрни һәл қилиш қаришиға бир тәрәплимә баһа бериш>кә чақириши күчимизгә күч беғишлиди» дегәнликини йазди.

«хабәртүрк» гезити: «иран: түркийә билән болған мунасивәтни көп йөнилиштә тәрәққий қилдуруш қарар қилинди (деди)» сәрләвһилик хәвиридә, иран ташқи ишлар министири һүсәйин әмир абдуллаһийан өзиниң тивиттердики адресида байанат елан қилип, җумһур рәис әрдоған иранлиқ мәнсәпдиши ибраһим рәисиниң түркмәнистанда өткүзгән учришишида, икки дөләт мунасивитини көп хил йөнилиш бойичә тәрәққий қилдурушниң қарар қилинғанлиқини уқтурғанлиқини оқурмәнлири билән ортақлашти.

«сабаһ» гезити: «түркийә идлибта йеңи шәһәр қурди» сәрләвһилик хәвиридә, сүрийәдики чедирларда туруватқан нәччә йүзмиңлиған пуқраларға йардәм қолини созған түркийә қизилай җәмийити, тәййар өйләрдин тәркиб тапқан йеңи шәһәр қуруп чиққанлиқини, түркийә қизилай җәмийитиниң рәиси кәрәм қиниқниң байанат берип: «түркийә йавропаға көчүш һәрикитиниң алдини алиду» дегәнликини йазди.



مۇناسىۋەتلىك خەۋەرلەر