24.11.2021

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1737877
24.11.2021

 türkiye awazi radiyosi: «‹höriyet› géziti», jumhur reis erdoghan: <saylamlar öz waqtida 2023 – yili iyun éyida ötküzülidu> dédi» serlewhilik xewiride, töwendiki melumatlarni oqurmenlirining diqqitige sundi:

jumhur reis, adalet we tereqqiyat partiyesi rehbiri rejep tayyip erdoghan, tünügün aq partiyening wilayetlik mesulliri yighinida qilghan sözide, muddettin burun saylam ötküzülüp ötküzülmeydighanliqigha qarita talash - tartishlar heqqide toxtalghanda, mundaq dédi: «téxiche muddettin burun saylam, muddettin burun saylam dep talash - tartish qiliniwatidu, muddettin burun saylam ötküzülmeydu, saylamlar öz waqtida, yeni 2023 – yili iyun éyida ötküzülidu

 «‹sabah› géziti», «qaradéngiz tebiiy gazida tunji xizmet 2022 – yili» serlewhilik xewiride, munu uchurlargha orun ajratti: énérgiye we tebiiy bayliqlar ministiri fatih dönmez, qaradéngizda tépilghan tebiiy gaz saheside su astigha tunji turuba yatquzush xizmitining 2022 – yili baharda ishqa ashurulidighanliqining éytti. «

star› géziti», «ministir mush, <türkiye muhim qedem tashlidi> dédi» serlewhilik xewiride, munu uchurlarni oqurmenlirining diqqitige sundi: soda ministiri mehmet mush, türkiyening dubeyde ötküzülgen « 2020 – yilliq dubey yermenkisi» paaliyitige qatnishishining, ereb birleshme xelipiliki bilen bolghan munasiwetlerge ehmiyet bergenlikining , shundaqla dunya körgezmilirige qatnishishqa bergen qimmetning namayendisi ikenlikini bayan qildi. «

weten› géziti», «ministir aqar somali bash ishtab bashliqi birigada générali rajéni qobul qildi» serlewhilik xewiride, töwendiki uchurlarni oqurmenlirining diqqitige sundi:

dölet mudapie ministiri xulusi aqar, somali bash ishtab bashliqi birigada générali odawa yüsüf rajéni qobul qildi. türkiye dölet mudapie ministirliqining bildürüshiche, qobulda, ministir aqar, türkiye bilen dost we qérindash dölet somali otturisida siyasiy we herbiy hemkarliqning dawamlishiwatqanliqini, türkiyening, somali xelqining tinchliq, muqimliq we huzur ichide yashishi üchün her jehettin yardem bérishni dawamlashturidighanliqini tekitligen.

 «‹yéngi shepeq› géziti», «sayahet saheside bahar hawasi: 10 ayda 21 milyon sayahetchi keldi» serlewhilik xewiride, töwendiki uchurlargha orun ajratti:

türkiyege, bu yilning deslepki 10 éyi ichide kelgen sayahetchiler sani bulturqining oxshash mezgildikige sélishturghanda % 88 éship, 21.1 milyongha yetti.



مۇناسىۋەتلىك خەۋەرلەر