24.11.2021

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1737877
24.11.2021

 түркийә авази радийоси: «‹һөрийәт› гезити», җумһур рәис әрдоған: <сайламлар өз вақтида 2023 – йили ийун ейида өткүзүлиду> деди» сәрләвһилик хәвиридә, төвәндики мәлуматларни оқурмәнлириниң диққитигә сунди:

җумһур рәис, адаләт вә тәрәққийат партийәси рәһбири рәҗәп таййип әрдоған, түнүгүн ақ партийәниң вилайәтлик мәсуллири йиғинида қилған сөзидә, муддәттин бурун сайлам өткүзүлүп өткүзүлмәйдиғанлиқиға қарита талаш - тартишлар һәққидә тохталғанда, мундақ деди: «техичә муддәттин бурун сайлам, муддәттин бурун сайлам дәп талаш - тартиш қилиниватиду, муддәттин бурун сайлам өткүзүлмәйду, сайламлар өз вақтида, йәни 2023 – йили ийун ейида өткүзүлиду

 «‹сабаһ› гезити», «қарадеңиз тәбиий газида тунҗи хизмәт 2022 – йили» сәрләвһилик хәвиридә, муну учурларға орун аҗратти: енергийә вә тәбиий байлиқлар министири фатиһ дөнмәз, қарадеңизда тепилған тәбиий газ саһәсидә су астиға тунҗи туруба йатқузуш хизмитиниң 2022 – йили баһарда ишқа ашурулидиғанлиқиниң ейтти. «

стар› гезити», «министир муш, <түркийә муһим қәдәм ташлиди> деди» сәрләвһилик хәвиридә, муну учурларни оқурмәнлириниң диққитигә сунди: сода министири мәһмәт муш, түркийәниң дубәйдә өткүзүлгән « 2020 – йиллиқ дубәй йәрмәнкиси» паалийитигә қатнишишиниң, әрәб бирләшмә хәлипилики билән болған мунасивәтләргә әһмийәт бәргәнликиниң , шундақла дунйа көргәзмилиригә қатнишишқа бәргән қиммәтниң намайәндиси икәнликини байан қилди. «

вәтән› гезити», «министир ақар сомали баш иштаб башлиқи биригада генерали раҗени қобул қилди» сәрләвһилик хәвиридә, төвәндики учурларни оқурмәнлириниң диққитигә сунди:

дөләт мудапиә министири хулуси ақар, сомали баш иштаб башлиқи биригада генерали одава йүсүф раҗени қобул қилди. түркийә дөләт мудапиә министирлиқиниң билдүрүшичә, қобулда, министир ақар, түркийә билән дост вә қериндаш дөләт сомали оттурисида сийасий вә һәрбий һәмкарлиқниң давамлишиватқанлиқини, түркийәниң, сомали хәлқиниң тинчлиқ, муқимлиқ вә һузур ичидә йашиши үчүн һәр җәһәттин йардәм беришни давамлаштуридиғанлиқини тәкитлигән.

 «‹йеңи шәпәқ› гезити», «сайаһәт саһәсидә баһар һаваси: 10 айда 21 милйон сайаһәтчи кәлди» сәрләвһилик хәвиридә, төвәндики учурларға орун аҗратти:

түркийәгә, бу йилниң дәсләпки 10 ейи ичидә кәлгән сайаһәтчиләр сани бултурқиниң охшаш мәзгилдикигә селиштурғанда % 88 ешип, 21.1 милйонға йәтти.



مۇناسىۋەتلىك خەۋەرلەر