22.10.2021

türkiye awazi radiyosi: «hörriyet» géziti: «biz bir milyard 400 milyon dollirimizni bir amallarni qilip alimiz» serlewhilik xewiride, jumhur reis erdoghanning angola, togo we nigériyeni öz ichige alghan afriqa ziyaritidin qaytiwétip ayropilanda muxbirlar bilen söhbetleshkenlikini we bu jeryanida:  «(amérika qoshma ishtatlirigha F-35 urush ayropilani sétiwélish üchün töligen) bir milyard 400 milyon dollirimizni bir amallarni qilip alimiz. herqandaq ehwalda türkiyening hoquqining nabut qilinishigha qetiy yol qoymaymiz» dégenlikini yazdi.

«yéngi shepeq» géziti: «ministir chawushoghluning <almashturush (swap)> bayanati»  serlewhilik xewiride, dölitimiz (türkiye jumhuriyiti) tashqi ishlar ministiri mewlüt chawushoghluning, türkiye bilen jenubiy koréyening ikki tereplik sodini sijil tereqqiy qildurush üchün ortaq küch chiqirishi kéreklikini otturigha qoyup: «bu dairide merkiziy bankilirimizning almashturush kélishimige asasen, soda munasiwitimizde milliy pullirimizni ishletsek bolidu» dégen sözlirige orun berdi.

«xabertürk» géziti: «soda ministiri mush: türkiye-afriqa soda miqdari 25 milyard 300 milyon dollargha yetti (dédi)» (türkiye jumhuriyiti) soda ministiri mehmet mushning, türkiye bilen afriqa otturisidiki iqtisadiy munasiwetning téz tereqqiy qilghanliqini tekitlep: «2003- yili türkiye - afriqa soda sommisi 5 milyard 400 milyon dollar idi,  2020 – yiligha kelgende bu miqdar 25 milyard 300 milyon dollargha yetti» dégenlikini oqurmenliri bilen ortaqlashti.

«star» géziti: «türkiyedin rayongha iqtisadiy heriket (qozghidi)! birleshme bayanat élan qilindi» serlewhilik xewiride, tashqi iqtisadiy munasiwet komitétining soda ministirliqi we afriqa elliri ittipaqi komitéti bilen hemkarliship istanbul qurultay merkizide chaqirghan «3 -  nöwetlik türkiye – afriqa iqtisad we soda munbiri» birleshme bayanat élan qilghanliqini؛ uninggha asaslanghanda, munber xususiy tarmaqlarni nuqtiliq halda téxnika, sayahet, déhqanchiliq, éléktr énérgiyesi, tok yetküzüsh we tarqitish esliheliri we mulazimiti, awiyatsiye, déngizchiliq, maarip, sehiye we sap karbon qoyup bérish qatarliq sahelerge meblegh sélishqa ilhamlandurghanliqini yazdi.

«weten» géziti: «mardinda 12 ming yilliq tarixqa ige butxana bayqaldi» serlewhilik xewiride, mardinning dargechit nahiyesidiki qézish — tekshürüsh xizmetliri jeryanida 12 ming yilliq tarixqa ige ikenliki otturigha qoyuluwatqan bir butxanining tépilghanliqini؛ qézish élip bériliwatqan rayonning göbeklitepedinmu uzungha tarixqa ige bolush éhtimali barliqining qeyt qiliniwatqanliqini yazdi.