22.10.2021

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1723416
22.10.2021

түркийә авази радийоси: «һөррийәт» гезити: «биз бир милйард 400 милйон доллиримизни бир амалларни қилип алимиз» сәрләвһилик хәвиридә, җумһур рәис әрдоғанниң ангола, того вә нигерийәни өз ичигә алған африқа зийаритидин қайтиветип айропиланда мухбирлар билән сөһбәтләшкәнликини вә бу җәрйанида:  «(америка қошма иштатлириға F-35 уруш айропилани сетивелиш үчүн төлигән) бир милйард 400 милйон доллиримизни бир амалларни қилип алимиз. һәрқандақ әһвалда түркийәниң һоқуқиниң набут қилинишиға қәтий йол қоймаймиз» дегәнликини йазди.

«йеңи шәпәқ» гезити: «министир чавушоғлуниң <алмаштуруш (swap)> байанати»  сәрләвһилик хәвиридә, дөлитимиз (түркийә җумһурийити) ташқи ишлар министири мәвлүт чавушоғлуниң, түркийә билән җәнубий корейәниң икки тәрәплик содини сиҗил тәрәққий қилдуруш үчүн ортақ күч чиқириши керәкликини оттуриға қойуп: «бу даиридә мәркизий банкилиримизниң алмаштуруш келишимигә асасән, сода мунасивитимиздә миллий пуллиримизни ишләтсәк болиду» дегән сөзлиригә орун бәрди.

«хабәртүрк» гезити: «сода министири муш: түркийә-африқа сода миқдари 25 милйард 300 милйон долларға йәтти (деди)» (түркийә җумһурийити) сода министири мәһмәт мушниң, түркийә билән африқа оттурисидики иқтисадий мунасивәтниң тез тәрәққий қилғанлиқини тәкитләп: «2003- йили түркийә - африқа сода соммиси 5 милйард 400 милйон доллар иди,  2020 – йилиға кәлгәндә бу миқдар 25 милйард 300 милйон долларға йәтти» дегәнликини оқурмәнлири билән ортақлашти.

«стар» гезити: «түркийәдин районға иқтисадий һәрикәт (қозғиди)! бирләшмә байанат елан қилинди» сәрләвһилик хәвиридә, ташқи иқтисадий мунасивәт комитетиниң сода министирлиқи вә африқа әллири иттипақи комитети билән һәмкарлишип истанбул қурултай мәркизидә чақирған «3 -  нөвәтлик түркийә – африқа иқтисад вә сода мунбири» бирләшмә байанат елан қилғанлиқини؛ униңға асасланғанда, мунбәр хусусий тармақларни нуқтилиқ һалда техника, сайаһәт, деһқанчилиқ, електр енергийәси, ток йәткүзүш вә тарқитиш әслиһәлири вә мулазимити, авийатсийә, деңизчилиқ, маарип, сәһийә вә сап карбон қойуп бериш қатарлиқ саһәләргә мәбләғ селишқа илһамландурғанлиқини йазди.

«вәтән» гезити: «мардинда 12 миң йиллиқ тарихқа игә бутхана байқалди» сәрләвһилик хәвиридә, мардинниң даргәчит наһийәсидики қезиш — тәкшүрүш хизмәтлири җәрйанида 12 миң йиллиқ тарихқа игә икәнлики оттуриға қойулуватқан бир бутханиниң тепилғанлиқини؛ қезиш елип бериливатқан районниң гөбәклитәпәдинму узунға тарихқа игә болуш еһтимали барлиқиниң қәйт қилиниватқанлиқини йазди.



مۇناسىۋەتلىك خەۋەرلەر