21.10.2021

«‹weten› géziti», «erdoghanning dunyagha qilghan éniq uchuri: <biz nigériye bilen bolghan hemkarliqimizni kücheytimiz> dédi» serlewhilik xewiride, jumhur reis rejep tayyip erdoghanning nigériye pirézidénti muhemmed buxari bilen ötküzgen birleshme muxbirlarni kütüwélish yighinida, «biz türkiye-nigériye munasiwitini her jehettin közdin kechürduq, nigériye bilen herbiy mudapie we bixeterlik mesililiridiki hemkarliqimizni kücheytimiz» dégenlikini yazdi..

«‹yéngi shepeq› géziti», "tükiye armiyesi bilen istixbarat teshkilati del nishangha tekküzdi" serlewhilik xewiride, munu uchurlargha orun ajratti:

8 - öktebir türkiye qoralliq qisimliri bilen döletlik istixbarat teshkilati iraqning shimalida élip barghan birleshme herikitide térorluq teshkilati p k k ning atalmish ​​ayal emeldari taybet bilenni étip öltürgenlikini élan qildi. taybet bilenning mehmur lagérigha kétiwatqanda étip öltürülgenliki uqturuldi.

«‹sabah› géziti», «fuat oktay pul paxalliqi heqqide toxtaldi» serlewhilik xewiride, muawin jumhur reis fuat oktayning: «pul we maliye siyasitimizni teminlesh yüzlinishlik qurulma siyasitimiz bilen we ishlepchiqirishning éshishi bilen qollap quwwetlesh arqiliq pul paxalliqini bir xaniliq sangha chüshürüshte qetiy iradige igimiz» dégenlikini yazdi.

«‹höriyet› géziti»,  «éksporttin qolgha kelgen hesse %1 tin ashti» serlewhilik xewiride, soda ministiri mehmet mushning türkiyening dunya éksport sodisidiki ülüshining %1 tin ashqanliqini we buning jumhuriyet tarixidiki tunji ish ikenlikini éytqanliqini hembehirlidi..

«‹star› géziti»  «türkiye ésil bir dölet» serlewhilik xewiride, munu uchurlargha orun ajratti:

antalyada bir yerge jem bolghan 3 neper rusiyelik we 1 neper ukrainaliq dostlar likya yolini 25 künde piyade méngip tügitidighan boldi. tebiet söyerler türkiyege tunji qétim kelgen bolup, likya yolining uzun tarixqa we tebiiy güzellikke ige ikenlikini bildürdi. mixayil chérniyawiskiy: "hemme yer tarixqa tolghan. bezi rayonlarda tarix, tebiet we déngiz ajayip güzel. türkiye ésil bir dölet. kishiler tolimu dostane, ular hetta tagh choqqisidimu sizge bir nersilerni teqdim qilidu» dédi.