21.10.2021

бүгүнки түркийә гезитлиридә асасий салмақни игилигән хәвәрлиримиз төвәндикичә:

1722783
21.10.2021

 

«‹вәтән› гезити», «әрдоғанниң дунйаға қилған ениқ учури: <биз нигерийә билән болған һәмкарлиқимизни күчәйтимиз> деди» сәрләвһилик хәвиридә, җумһур рәис рәҗәп таййип әрдоғанниң нигерийә пирезиденти муһәммәд бухари билән өткүзгән бирләшмә мухбирларни күтүвелиш йиғинида, «биз түркийә-нигерийә мунасивитини һәр җәһәттин көздин кәчүрдуқ, нигерийә билән һәрбий мудапиә вә бихәтәрлик мәсилилиридики һәмкарлиқимизни күчәйтимиз» дегәнликини йазди..

«‹йеңи шәпәқ› гезити», "түкийә армийәси билән истихбарат тәшкилати дәл нишанға тәккүзди" сәрләвһилик хәвиридә, муну учурларға орун аҗратти:

8 - өктәбир түркийә қораллиқ қисимлири билән дөләтлик истихбарат тәшкилати ирақниң шималида елип барған бирләшмә һәрикитидә терорлуқ тәшкилати п к к ниң аталмиш ​​айал әмәлдари тайбәт биләнни етип өлтүргәнликини елан қилди. тайбәт биләнниң мәһмур лагериға кетиватқанда етип өлтүрүлгәнлики уқтурулди.

«‹сабаһ› гезити», «фуат октай пул пахаллиқи һәққидә тохталди» сәрләвһилик хәвиридә, муавин җумһур рәис фуат октайниң: «пул вә малийә сийаситимизни тәминләш йүзлинишлик қурулма сийаситимиз билән вә ишләпчиқиришниң ешиши билән қоллап қуввәтләш арқилиқ пул пахаллиқини бир ханилиқ санға чүшүрүштә қәтий ирадигә игимиз» дегәнликини йазди.

«‹һөрийәт› гезити»,  «експорттин қолға кәлгән һәссә %1 тин ашти» сәрләвһилик хәвиридә, сода министири мәһмәт мушниң түркийәниң дунйа експорт содисидики үлүшиниң %1 тин ашқанлиқини вә буниң җумһурийәт тарихидики тунҗи иш икәнликини ейтқанлиқини һәмбәһирлиди..

«‹стар› гезити»  «түркийә есил бир дөләт» сәрләвһилик хәвиридә, муну учурларға орун аҗратти:

анталйада бир йәргә җәм болған 3 нәпәр русийәлик вә 1 нәпәр украиналиқ достлар ликйа йолини 25 күндә пийадә меңип түгитидиған болди. тәбиәт сөйәрләр түркийәгә тунҗи қетим кәлгән болуп, ликйа йолиниң узун тарихқа вә тәбиий гүзәлликкә игә икәнликини билдүрди. михайил чернийавиский: "һәммә йәр тарихқа толған. бәзи районларда тарих, тәбиәт вә деңиз аҗайип гүзәл. түркийә есил бир дөләт. кишиләр толиму достанә, улар һәтта тағ чоққисидиму сизгә бир нәрсиләрни тәқдим қилиду» деди.



مۇناسىۋەتلىك خەۋەرلەر