14.10.2021

бүгүнки түркийә мәтбуатлиридин таллап тәййарланған муһим хәвәрлиримизниң қисқичә мәзмунлири төвәндикичә:

1719593
14.10.2021

түркийә авази радийоси: <<йеңи шәпәқ гезити>>, сүрийәдики п к к һуҗумлири сәвәбидин америка билән русийәгә қаттиқ сигналларни бәргән түркийә ташқи ишлар министири мәвлүт чавушоғлуниң: <<америка билән русийә бизгә бәргән вәдисидә турмиди. террористларниң тазилиниши үчүн немә қилиш керәк болса шуни қилимиз>> дегәнликини хәвәр қилди.

хәвәрдә, мәвлүт чавушоғлуниң американиң сүрийәдә шеһит болған әскәрләр үчүн түркийә хәвпсизлик тармақлири үчүн елан қилған тәзийә телеграммисиға сәмимий әмәс дәп қарайдиғанлиқлирини билдүргәнлики қәйт қилинди.

<<стар гезити>>, русийә пирезиденти владимир путинниң йавропаға охшимиған йоллар билән газ йәткүзүшни көпәйткәнликлирини билдүрүп: <<түркийә земини, мави еқим линйәси, түрк еқими вә украина арқилиқ газ йәткүзүшни көпәйтиватимиз. йәнә көпәйтиш тәләп қилинса, биз тәййар>> дегәнликини хәвәр қилди.

<<һөррийәт гезити>>, түркийә ташқи ишлар министирлиқиниң непалниң мугу районида 32 киши җенидин айрилған аптобус вәқәси сәвәби билән непал һөкүмити вә хәлқигә тәзийә телеграммиси әвәткәнликини хәвәр қилди.

<<вәтән гезити>>, әрәб таратқулириниң түркийә мудапиә санаитиниң башлиқи исмаил дәмирниң пакистан деңиз армийәсиниң <<90B агоста>> типлиқ деңиз асти парахотлирини заманивилаштуруш тоғрисида елан қилған байанати тоғрисида хәвәр тарқатқанлиқини билдүрди.

гезитниң хәвиридә қәйт қилинишичә, әрәб таратқулири исмаил дәмир: <<мудапиәдә сийасий бесимлар бар. мәсилән, пакистанниң фирансийәдин сетивалған деңиз асти парахотлирини заманивилаштуруш ишлирини көтүрәгә бериштә, фирансийә қаттиқ бесим қилди, әмма түркийә мудапиә технологийәлири инженерлиқ вә сода чәклик ширкити ғәлибә қилди>> дегән сөзлиригә орун аҗратқан.

<<хәбәр түрк гезити>>, сәһийә министири фаһрәттин коҗаниң вухән вируси Kovid-19)) ға қарши тәтқиқ қилип йасиливатқан түрковак (Turkovac) ваксинасиниң үчинчи қетимлиқ синақ ишлириниң давамлишиватқанлиқини билдүргәнликини хәвәр қилди.

хәвәрдә, фаһрәттин коҗаниң кишиләрни түрковак ваксинаси тәтқиқатлирида пидаий болушқа чақирғанлиқи әскәртилди.



مۇناسىۋەتلىك خەۋەرلەر