21.09.2021

türkiye awazi radiyosi: «‹sabah› géziti», «erdoghan: <türkiyening künséri küchiyiwatqan küchini ekis ettüridighan nadir eser> dédi» serlewhilik xewiride, munu uchurlargha orun ajratti: jumhur reis rejep tayyip erdoghan amérikaning nyuyork shehiridiki yéngi türk öyi binasining échilish murasimida qilghan sözide, türkiyening bu eser arqiliq özining kattiliqini, bayliqini we éshiwatqan küchini ekis ettürgenlikini tilgha élip, «jumhuritimiz qurlushuning 100 - xatiri yili bolghan 2023-yilghiche bizning türk öyi binayimiz xelqara jamaetchilik ichidiki ornimizning bir namayendisi bolidu» dédi.

«‹xewer türk› géziti», «shentop: <biz dunyadiki eng séxiy dölet> dédi» serlewhilik xewiride, türkiye büyük millet mejlisi (parlaménti) reisi mustapa shentopning ispaniyede qilghan sözide, türkiyening eng köp yardem qilghan dölet ikenlikini eskertip, «biz dunya boyiche eng bay dölet emesmiz, emma biz eng séxiy döletmiz. türkiye musapirlargha eng köp quchaq achqan bir dölet. türkiyede tizimgha aldurghan 4 milyondin artuq süriyelik yashimaqta. yéqinqi bir nechche aydin buyan emes, 10 yildin buyan türkiyede yashimaqta» dégenlikini yazdi.

«‹star› géziti», «tarixi muweppeqiyet: türkiye 132 dölet ichide 2- boldi» serlewhilik xewiride, 132 dölet riqabetlishidighan yershari yéngiliq yaritish körsetküchide, türkiyening 41-orungha örlep, tarixidiki eng yaxshi retke tizilghanliqini we bu körsetküchke kirgüzülgen 132 dölet ichide türkiyening chong sekresh xaraktérliq tereqqiy qilghan döletler ichide 2-orungha ötkenlikini yazdi.

«‹yéngi shepeq› géziti», «türk dunyasining medeniyet paytexti unwani resmiy halda bursagha tapshuruldi» serlewhilik xewiride, munu uchurlargha orun ajratti: bursa sheher bashliqi alinur aqtash medeniyet we sayahet ishliri ministiri mehmet nuri ersoy we özbékistan medeniyet ministiri ozodbék nazarbékowmu qatnashqan unwan tapshurush murasimida, hiwa sheher bashliqi témur dawlétowdin «türk dunyasining medeniyet paytexti» unwanini resmiy yosunda tapshurup aldi.

«‹höriyet› géziti», «troya muzéyigha yawropadin alahide mukapat keldi» serlewhilik xewiride, 2020-yilliq yawropaning eng ilghar muzéyi mukapatigha érishken troya muzéyining yawropadiki eng muhim muzéy mukapatlirining biri bolghan 2020/2021-yilliq yawropa muzéy akadémiyisi alahide mukapatigha layiq körülgenlikini we troyaning her ikki mukapatqa érishken tunji türkiye muzéyi bolghanliqini yazdi.