21.09.2021

бүгүнки түркийә гезитлиридә асасий салмақни игилигән хәвәрлиримиз төвәндикичә:

1708617
21.09.2021

түркийә авази радийоси: «‹сабаһ› гезити», «әрдоған: <түркийәниң күнсери күчийиватқан күчини әкис әттүридиған надир әсәр> деди» сәрләвһилик хәвиридә, муну учурларға орун аҗратти: җумһур рәис рәҗәп таййип әрдоған американиң нйуйорк шәһиридики йеңи түрк өйи бинасиниң ечилиш мурасимида қилған сөзидә, түркийәниң бу әсәр арқилиқ өзиниң каттилиқини, байлиқини вә ешиватқан күчини әкис әттүргәнликини тилға елип, «җумһуритимиз қурлушуниң 100 - хатири йили болған 2023-йилғичә бизниң түрк өйи бинайимиз хәлқара җамаәтчилик ичидики орнимизниң бир намайәндиси болиду» деди.

«‹хәвәр түрк› гезити», «шәнтоп: <биз дунйадики әң сехий дөләт> деди» сәрләвһилик хәвиридә, түркийә бүйүк милләт мәҗлиси (парламенти) рәиси мустапа шәнтопниң испанийәдә қилған сөзидә, түркийәниң әң көп йардәм қилған дөләт икәнликини әскәртип, «биз дунйа бойичә әң бай дөләт әмәсмиз, әмма биз әң сехий дөләтмиз. түркийә мусапирларға әң көп қучақ ачқан бир дөләт. түркийәдә тизимға алдурған 4 милйондин артуқ сүрийәлик йашимақта. йеқинқи бир нәччә айдин буйан әмәс, 10 йилдин буйан түркийәдә йашимақта» дегәнликини йазди.

«‹стар› гезити», «тарихи мувәппәқийәт: түркийә 132 дөләт ичидә 2- болди» сәрләвһилик хәвиридә, 132 дөләт риқабәтлишидиған йәршари йеңилиқ йаритиш көрсәткүчидә, түркийәниң 41-орунға өрләп, тарихидики әң йахши рәткә тизилғанлиқини вә бу көрсәткүчкә киргүзүлгән 132 дөләт ичидә түркийәниң чоң сәкрәш характерлиқ тәрәққий қилған дөләтләр ичидә 2-орунға өткәнликини йазди.

«‹йеңи шәпәқ› гезити», «түрк дунйасиниң мәдәнийәт пайтәхти унвани рәсмий һалда бурсаға тапшурулди» сәрләвһилик хәвиридә, муну учурларға орун аҗратти: бурса шәһәр башлиқи алинур ақташ мәдәнийәт вә сайаһәт ишлири министири мәһмәт нури әрсой вә өзбекистан мәдәнийәт министири озодбек назарбековму қатнашқан унван тапшуруш мурасимида, һива шәһәр башлиқи темур давлетовдин «түрк дунйасиниң мәдәнийәт пайтәхти» унванини рәсмий йосунда тапшуруп алди.

«‹һөрийәт› гезити», «тройа музейиға йавропадин алаһидә мукапат кәлди» сәрләвһилик хәвиридә, 2020-йиллиқ йавропаниң әң илғар музейи мукапатиға еришкән тройа музейиниң йавропадики әң муһим музей мукапатлириниң бири болған 2020/2021-йиллиқ йавропа музей академийиси алаһидә мукапатиға лайиқ көрүлгәнликини вә тройаниң һәр икки мукапатқа еришкән тунҗи түркийә музейи болғанлиқини йазди.



مۇناسىۋەتلىك خەۋەرلەر