03.08.2021

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1684700
03.08.2021

түркийә авази радийоси: «хәбәр түрк гезити», түркийә җумһур рәиси рәҗәп таййип әрдоғанниң туниста парламентниң хизмәтлирини тоңлатқан пирезидент қайис сәид билән телефонда көрүшкәндә, тунисниң муқимлиқини, тинчлиқини вә хатирҗәмликини қоғдишиниң, районниң тинчлиқи нуқтисидин интайин муһим икәнликигә ишарә қилғанлиқини хәвәр қилди.

хәвәрдә, рәҗәп таййип әрдоғанниң көрүшүштә, туниста демократийәниң қоғдилиши, әркинликләрниң капаләткә игә қилиниши вә қанун муқәддәсликини көзитишниң әһмийәтлик икәнликини тилға алғанлиқи қәйт қилинди.

«вәтән гезити», түркийә җумһур рәиси рәҗәп таййип әрдоғанниң киродийә пирезиденти зоран миланович билән телефонда көрүшкәнликини хәвәр қилди.

хәвәрдә, рәҗәп таййип әрдоғанниң от апити сәвәбидин түркийәгә сәвр тилигән вә от апитигә қарши йардәмдә болған милановичқа тәшәккүр ейтқанлиқи билдүрүлди.

«йеңи шәпәқ гезити», түркийәниң експорти 2021-йили йанвардин ийул ейиғичә болған мәзгилдә өткән йилниң охшаш мәзгилидикигә селиштурулғанда %35, вухән вируси(Kovid-19)  мәзгилидин бурунқи мәзгилгә селиштурулғанда %16.4 ешип 121.4 милйард долларға йәткәнликини хәвәр қилди.

«һөррийәт гезити», түркийәлик алим рабийә туғчә йазиҗигилниң адәм бәдини ички әзалирини тәкшүридиған, киши йуталайдиған чоңлуқи нуқутчилик келидиған, симсиз мәлумат әвәтидиған бир капсул иҗат қилғанлиқини хәвәр қилди.

хәвәрдә, үчәй вә һәзим қилиш системисидики кесәлликләргә дийагноз қойушқа пайдилиқ болған бу иҗадийәтниң, адәм бәдини ички әзалирини өз ичигә алған нурғун саһәләргә асанлиқ йаритип беридиғанлиқи қәйт қилинди.

«сабаһ гезити», түркийә айаллар валибол командисиниң 2020-йиллиқ токйо олимпики чарәк һәл қилғуч мусабиқисидики рәқибиниң җәнубий корейә командиси болғанлиқини хәвәр қилди.

хәвәрдә,B гурупписида үчинчи болған түркийә айаллар валибол командисиниң A гурупписида үчинчи олған җәнубий корейә билән мусабиқигә чүшидиғанлиқи билдүрүлди.

хәвәрдә билдүрүлишичә, түркийә айаллар валибол командиси җәнубий корейә айаллар валибол командиси билән 4-авғуст (2021) әнқәрә вақти әтигән саәт 03:00, үрүмчи вақти әтигән саәт 06:00 дә мусабиқигә чүшидикән.       



مۇناسىۋەتلىك خەۋەرلەر