02.08.2021

бүгүнки түркийә гезитлиридә асасий салмақни игилигән хәвәрлиримиз төвәндикичә:

1683953
02.08.2021

түркийә авази радийоси: «‹һөрийәт› гезити», «түркийә гиретсийәгә нота тапшурди» сәрләвһилик хәвиридә,  төвәндики учурларни оқурмәнлириниң диққитигә сунди:

түркийә ташқи ишлар министирлиқи тәрипидин, чегра райониниң гиретсийә тәрипидин пуқрачә кийингән кишиләрниң оқ чиқириши нәтиҗисидә әдирнәдә бир түркийә пуқрасиниң өлүп кетиши сәвәблик гиретсийәгә нота тапшурулди.

«‹стар› гезити», «министир варанк <йеңи ваксина әмләш хизмитини пат йеқинда йолға қойимиз> деди» сәрләвһилик хәвиридә, муну учурларға орун аҗратти:

санаәт вә технологийә ишлири министири мустафа варанк,  йеңи ваксина әмләш хизмити һәққидә бәргән байанатида, мундақ деди: «биз VLP ни асас қиидилған миллий ваксина намзатимизда пуқралиримизниң пидакарлиқи билән ахирқи басқучқа йеқинлишиватимиз. 2-басқучлуқ тәтқиқатлар тамамлиниш алдида турмақта, худайим буйруса, 3-басқучлуқ тәтқиқатқа пат йеқинда өтимиз, бу ваксинаниң вирусниң йеңи варийантлириға қарши көзгә көрүнәрлик тәсир көрситидиғанлиқини мөлчәрләватимиз.»

«‹йеңи шәпәқ› гезити»,  «деңиз  астиға йатқузулидиған туруба ишләпчиқирилишқа башланди» сәрләвһилик хәвиридә, төвәндики учурларни оқурмәнлири билән ортақлашти:

енергийә вә тәбиий байлиқлар министири фатиһ дөнмәз, қарадеңизниң тәбиий гази мәсилисидә тәтүр санақниң давамлишиватқанлиқини, деңиз астиға йатқузулидиған 169 километирлиқ турубаниң дәсләпки қәдәмдә ишләпчиқирилишқа башланғанлиқини уқтурди.

«‹хәвәр түрк› гезити», «министир варанк дунйа бойичә әң чоң тирик белиқ тошуш парахотиниң тунҗи кәпшәрләш хизмитини ишқа кириштүрди» сәрләвһилик хәвиридә, муну учурларни  оқурмәнлириниң диққитигә сунди:

санаәт вә технологийә ишлири министири мустафа варанк, йалова вилайитиниң алтинова наһийәсидики кемисазлиқ завутида ишләпчиқирилидиған дунйа бойичә әң чоң тирик белиқ тошуш парахотиниң тунҗи кәпшәрләш хизмитини ишқа кириштүрди. норвегийәгә експорт қилинидиған бу парахотниң 2023-йили тапшуруп берилиши пиланланмақта.

«‹сабаһ› гезити», «йеқинқи 16 ай ичидә әң көп сайаһәтчи ийунда истанбулға кәлди»  сәрләвһилик хәвиридә, муну учурларға орун аҗратти:

күндилик һайатта нормаллишиш басқучиға өтүш билән тәң, истанбул 6-айда 684 миң 621 чәт әллик зийарәтчини күтүвалди, шуниң билән, истанбул йеқинқи 16 ай ичидә әң көп сайаһәтчигә саһибханилиқ қилған болди. истанбулға кәлгән чәт әлликләр ичидә германлар 70 миң 989 сайаһәтчи билән биринчи рәткә тизилди. германийәлик сайаһәтчиләрдин кейинки рәтләргә, нөвәт билән, иранлиқлар, америкалиқлар, украиналиқлар, ирақлиқлар, фирансийәликләр вә руслар тизилди.



مۇناسىۋەتلىك خەۋەرلەر