14.07.2021

бүгнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1675044
14.07.2021

түркийә авази радийоси: «сабаһ гезити», түркийә җумһур рәиси рәҗәп таййип әрдоғанниң түнүгүн (2021-йили 13-ийул) хитай дөләт рәиси ши җинпиң билән телефонда көрүшкәнликини хәвәр қилди.

көрүшүштә, сода, селинма, енергийә, қатнаш вә сәһийәни өз ичигә алған түркийә-хитай мунасивәтлирини тәрәққий қилдуридиған қәдәмләр, һәмдә районлуқ мәсилиләрниң музакирә қилинғанлиқи билдүрүлди.

хәвәрдә йәнә, җумһур рәис рәҗәп таййип әрдоғанниң уйғурларниң хитайниң баравәр пуқралири болуш сүпитидә, параванлиқ вә хатирҗәмлик ичидә йашишиниң, түркийә үчүн ейтқандики муһим әһмийитини тәкитлигәнлики қәйт қилинди.

«һөррийәт гезити», түнүгүн гиретсийәниң әнқәрәдә турушлуқ баш әлчиси майкил хиристос дийамесис (MichaelChristos Diamessis) ниң, олимпийакос путбол командиси билән тәййарлиқ мусабиқигә чүшүш үчүн афенаға барған галатасарай путбол командисиға айродурумда қилинған муамилидин пәйда болған биарамлиқ сәвәбидин ташқи ишлар министирлиқиға чақирилғанлиқини хәвәр қилди.

«вәтән гезити», түркийә дөләт мудапиә министири һулуси акарниң түнүгүн афғанистандики һамид карзаи хәлқара айродуруминиң бихәтәрлики вә ишлитилиши тоғрисида тохтилип: «натода түркийәниң тәшәббуслири нәтиҗисидә иҗабий илгириләшләр болуватиду. америка дөләт мудапиә министири ллойд җеймес астин билән пикир бирлики һасил қилған темилар бар. мәқситимиз афғанистанлиқ қериндашлиримизниң бихәтәрлики, хатирҗәмлики вә параванлиқи үчүн қошуватқан төһпилиримизни давамлаштуруш» дегәнликини хәвәр қилди.

«хәбәр түрк гезити», санаәт вә технологийә министири мустафа варанкниң түнүгүн твиттерда байанат елан қилип: «май ейида санаәт ишләпчиқириш индекси йиллиқ %40, айлиқ %1.3 өрлиди. бу 2021-йилниң иккинчи чарикидики йуқири ешиш үмидимизни техиму күчәйтти» дегәнликини хәвәр қилди.

«стар гезити», йавропа иттипақи ички ишлар комиссари йлва җоһансон (Ylva Johansson) ниң, гиретсийәниң мусапирларни қанусиз һалда деңиздин түркийәгә қоғлиғанлиқини билдүрүп, буниң «йавропаниң асасий қиммәт қарашлириға хилаплиқ қилиш» икәнликини әскәрткәнликини хәвәр қилди.



مۇناسىۋەتلىك خەۋەرلەر