13.07.2021

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1674497
13.07.2021

türkiye awazi radiyosi: «sabah géziti», türkiye jumhur reisi rejep tayyip erdoghanning kabént yighinidin kéyin: «2021-yilida qolgha keltüridighan iqtisadiy éshish nisbiti bilen, dunyaning yükselgen iqtisadi ikenlikimizni ispatlaymiz. büyük we küchlük türkiyeni insha qilish yolida, iqtisadtimu küchlük qedemler bilen algha qarap ilgirilewatimiz. türkiye siyasiy we iqtisadiy jehettin dunyaning eng aldinqi qatarigha qedem tashlash aldida» dégenlikini xewer qildi.

«yéngi shepeq géziti», bu yil (2021) türkiyening ikki shirkitining dunyada eng nopuzluq mudapie sanaiti tizimliki dep qobul qilinidighan «100 küchlük mudapie xewerliri» tizimlikige kirgenlikini xewer qildi.

xewerde, aselsan (ASELSAN) shirkitining tizimlikte 48-orunda, türkiye awiyatsiye we alem sanaiti shirkiti(TUSAŞ)  ning 68-orunda ikenliki qeyt qilindi.

«xeber türk géziti», dunyada eng muhim sayahet merkezliridin biri bolghan antalyaning, ikki heptidin biri texminen 1095 ayropilanda kelgen 307 ming 417 rusiyelik sayahetchini kütüwalghanliqini xewer qildi.

«hörriyet géziti», türkiyede bu yil (2021) ning deslepki yérimida chet elliklerge sétilghan öy sanining, ötken yil (2020) ning oxshash mezgilidikige sélishturulghanda %44 éship 20 ming 488 ge chiqqanliqini xewer qildi.   


خەتكۈچ: #yéngi shepeq , #hörriyet , #star

مۇناسىۋەتلىك خەۋەرلەر