13.07.2021

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1674497
13.07.2021

түркийә авази радийоси: «сабаһ гезити», түркийә җумһур рәиси рәҗәп таййип әрдоғанниң кабент йиғинидин кейин: «2021-йилида қолға кәлтүридиған иқтисадий ешиш нисбити билән, дунйаниң йүксәлгән иқтисади икәнликимизни испатлаймиз. бүйүк вә күчлүк түркийәни инша қилиш йолида, иқтисадтиму күчлүк қәдәмләр билән алға қарап илгириләватимиз. түркийә сийасий вә иқтисадий җәһәттин дунйаниң әң алдинқи қатариға қәдәм ташлаш алдида» дегәнликини хәвәр қилди.

«йеңи шәпәқ гезити», бу йил (2021) түркийәниң икки ширкитиниң дунйада әң нопузлуқ мудапиә санаити тизимлики дәп қобул қилинидиған «100 күчлүк мудапиә хәвәрлири» тизимликигә киргәнликини хәвәр қилди.

хәвәрдә, асәлсан (ASELSAN) ширкитиниң тизимликтә 48-орунда, түркийә авийатсийә вә аләм санаити ширкити(TUSAŞ)  ниң 68-орунда икәнлики қәйт қилинди.

«хәбәр түрк гезити», дунйада әң муһим сайаһәт мәркәзлиридин бири болған анталйаниң, икки һәптидин бири тәхминән 1095 айропиланда кәлгән 307 миң 417 русийәлик сайаһәтчини күтүвалғанлиқини хәвәр қилди.

«һөррийәт гезити», түркийәдә бу йил (2021) ниң дәсләпки йеримида чәт әлликләргә сетилған өй саниниң, өткән йил (2020) ниң охшаш мәзгилидикигә селиштурулғанда %44 ешип 20 миң 488 гә чиққанлиқини хәвәр қилди.   



مۇناسىۋەتلىك خەۋەرلەر