12.07.2021

türkiye awazi radiyosi: «sabah géziti», türkiye jumhur reisi rejep tayyip erdoghanning bosniye-gértségowinada srébrénitsa irqiy qirghinchiliqining 26-yilliqi munasiwiti bilen ötküzülgen murasimgha ewetken widéoluq télégrammisida: «yawropa we insaniyet tarixidiki bu qara daghning, néme meqsette bolushidin qetiynezer, arqa pilangha ittirilishige ruxset qilmaymiz» dégenlikini xewer qildi.

«yéngi shepeq géziti», jumhur reis rejep tayyip erdoghanning qibris tinchliq herikitining 47-yilliqi munasiwiti bilen16-19- iyul künliri lefkoshada ötküzülidighan «xelqaraliq shimaliy qibris medeniyet we tenterbiye féstiwali» gha qatnishidighanliqini xewer qildi.

«xeber türk géziti», dölet mudapie ministiri hulusi akarning girétsiye dölet mudapie ministiri nikolawos panagiyotopulosning türkiyege qarshi qilghan sözlirige inkas qayturup: «girétsiye küshkürtküchi, qanunni étirap qilmaydighan, özi imzalighan kélishimlergimu réaye qilmaydighan we jiddiychilikni ulghaytidighan pozitsiyesini dawamlashturmaqta» dégenlikini xewer qildi.

«star géziti», 2020-yilning yanwar éyidin iyun éyighiche bolghan mezgilde, 457 milyon 919 ming dollarliq déngiz mehsulatliri éksport qilinghanliqini؛ bu yil (2021) ning oxshash mezgilide bolsa, bu sanning %42 éship 649 milyon dollargha yetkenlikini xewer qildi.