12.07.2021

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1673768
12.07.2021

түркийә авази радийоси: «сабаһ гезити», түркийә җумһур рәиси рәҗәп таййип әрдоғанниң боснийә-гертсеговинада сребренитса ирқий қирғинчилиқиниң 26-йиллиқи мунасивити билән өткүзүлгән мурасимға әвәткән видеолуқ телеграммисида: «йавропа вә инсанийәт тарихидики бу қара дағниң, немә мәқсәттә болушидин қәтийнәзәр, арқа пиланға иттирилишигә рухсәт қилмаймиз» дегәнликини хәвәр қилди.

«йеңи шәпәқ гезити», җумһур рәис рәҗәп таййип әрдоғанниң қибрис тинчлиқ һәрикитиниң 47-йиллиқи мунасивити билән16-19- ийул күнлири ләфкошада өткүзүлидиған «хәлқаралиқ шималий қибрис мәдәнийәт вә тәнтәрбийә фестивали» ға қатнишидиғанлиқини хәвәр қилди.

«хәбәр түрк гезити», дөләт мудапиә министири һулуси акарниң гиретсийә дөләт мудапиә министири николавос панагийотопулосниң түркийәгә қарши қилған сөзлиригә инкас қайтуруп: «гиретсийә күшкүрткүчи, қанунни етирап қилмайдиған, өзи имзалиған келишимләргиму реайә қилмайдиған вә җиддийчиликни улғайтидиған позитсийәсини давамлаштурмақта» дегәнликини хәвәр қилди.

«стар гезити», 2020-йилниң йанвар ейидин ийун ейиғичә болған мәзгилдә, 457 милйон 919 миң долларлиқ деңиз мәһсулатлири експорт қилинғанлиқини؛ бу йил (2021) ниң охшаш мәзгилидә болса, бу санниң %42 ешип 649 милйон долларға йәткәнликини хәвәр қилди.



مۇناسىۋەتلىك خەۋەرلەر