06.07.2021

türkiye awazi radiyosi: «sabah géziti», türkiye jumhur reisi rejep tayyip erdoghanning dunya iqtisadi keynige chékiniwatqanda, türkiyening her sahede namayan qilghan muqim we izchil tereqqiyat sayisida 2020-yilini iqtisadiy éshish bilen axirlashturghanliqini éytqanliqini xewer qildi.

xewerde, rejep tayyip erdoghanning 2021-yilning nahayiti yaxshi bashlanghanliqini we deslepki charekte %7 iqtisadiy éshishni qolgha keltürgenliklirini bildürüp: «mushu boyiche, éksportta yil axirighiche tariximizda tunji qétim 200 milyard dollardin artuq éksport soda omumiy sommisigha yétimiz» dégenliki qeyt qilindi.

«hörriyet géziti», jumhur reis rejep tayyip erdoghanning türkiyening wuxen wirusi(Kovid-19)  musapisini muweppeqiyetlik bashqurghan döletler ichide aldinqi rettin orun alghanliqini éytqanliqini xewer qildi.

xewerde, rejep tayyip erdoghanning, «dunyadiki nurghun döletlerde wuxen wirusi salametlik tekshürüshidin heq élinghan bolsa, biz tekshürüshni heqsiz yolgha qoyduq. oxshash halda xelqimizni waksinana bilen heqsiz emliduq» dégenliki bildürüldi.

«xeber türk géziti», wuxen wirusigha qarshi tetqiq qilip yasiliwatqan yerlik waksinaning ikkinchi basquchluq sinaqta, istanbulda pidaiylargha emlengenlikini xewer qildi.

xewerde, w l p (VLP) asasida tetqiq qilip yasiliwatqan waksinaning birinchi basquchluq siniqining muweppeqiyetlik axirlashqanliqi eskertildi.

«star géziti», shimaliy qibris türk jumhuriyitining jumhur reisi ersin tatarning: «biz türkiye jumhuriyiti bilen birlikte shekillendürgen syaset, hazir qibristiki ikki igilik hoquqluq, musteqil dölettur. fédératsiye deptiri yépildi. türkiye jumhur reisi rejep tayyip erdoghan bu mesilide méni toluq qollidi» dégenlikini xewer qildi.

«yéngi shepeq géziti», ukraina tashqi ishlar ministiri dmitro kuléba (Dmitro Kuleba) ning mudapie sanaitide peyda bolghan boshluqni toldurush mesilisini, türkiyeni öz ichige alghan bir qanche dölet bilen birlikte hel qiliwatqanliqlirini éytqanliqini xewer qildi.

xewerde, dmitro kulébaning ötkenki künlerde ukraina dölet mudapie ministiri wladimir zélénskiy türkiyedin zakas qilghan uchquchisiz hawa apparati « TB2-bayraktar » ning tapshurulushini kütüwatqanliqlirini, bu apparatlarni uchuridighan ukraina xadimlirining türkiyediki terbiyelinishining pat yéqinda axirlishidighanliqini eskertkenliki bildürüldi.