16.06.2021

türkiye awazi radiyosi: «‹sabah› géziti», «erdoghan bilen eliyéw <shusha bayannamesi> ni imzalidi» serlewhilik xewiride, töwendiki melumatlarni oqurmenlirining diqqitige sundi:

jumhur reis rejep tayyip erdoghan ezerbeyjan pirézidénti ilham eliyéw bilen birlikte ezerbeyjanning shusha shehiride «shusha bayannamesi» ni imzalidi. jumhur reis erdoghan, imza murasimida qilghan sözide, taghliq qarabaghning öz igilirining qoligha ötkenlikini tekitlep mundaq dédi: «türkiye döliti bolush süpitimiz bilen shushada eng qisqa waqit ichide bash konsulxana échishni pilanlawatimiz.»

«‹höriyet› géziti», «ezerbeyjan pirézidénti ilham eliyéw xaluq bayraqtargha qarabagh médali teqdim qildi» serlewhilik xewiride, munu uchurlargha orun ajratti:

jumhur reis rejep tayyip erdoghanning ezerbeyjan ziyariti dairiside, ezerbeyjan pirézidénti ilham eliyéw, bayqar guruhining bash diréktori xaluq bayraqtargha «qarabagh médali» teqdim qildi. «qarabagh médali», bayqar guruhi teripidin ishlepchiqirish qoralliq uchquchisiz hawa apparatlirining qarabagh zepiride nahayiti chong rol oynishi seweblik teqdim qilindi.

«‹yéngi shepeq› géziti»,  «gérmaniye taratquliri selchuq bayraqtarni maxtidi» serlewhilik xewiride, munu uchurlarni  oqurmenlirining diqqitige sundi:

gérmaniyede chiqidighan «‹xandélsblat› géziti» (Handelsblatt) teripidin türkiyening qol ilkidiki qoralliq uchquchisiz hawa apparatliri heqqide élan qilinghan maqalide, bayqar guruhining téxnika ishliri mudiri selchuq bayraqtargha yuqiri baha bérilip mundaq déyildi: «41 yashliq türk karxanichi bayraqtar, qoralliq uchquchisiz hawa apparatliri arqiliq dölitini yüz bergüsi urushlarda téximu yaxshi kartigha ige qildi we qoshnisi rusiyening chishigha tegdi.»

«‹xewer türk› géziti», «türkiye su éléktir saheside dunya ret tertipide yuqiri örlimekte» serlewhilik xewiride, töwendiki uchurlargha orun ajratti:

türkiye aldinqi yili 2 ming 480 mégawatliq yéngi su éléiktir énérgiyesi qurulmisi arqiliq yawropadiki rehberlik ornini saqlap qélish bilen bir waqitta, dunya ret tertipide ikkinchi orungha yekseldi.

«‹star› géziti», «türkiye üchün muhim purset» serlewhilik xewiride, munu uchurlarni  oqurmenlirining diqqitige sundi:

yawropa güllinish we tereqqiyat bankisi yéshil iqtisad we kilimat herikitining muawin diréktori kiristiyan kararétto, «nöwette yawropa hidrogéngha eng köp éhtiyajliq boluwatidu, shunga hidrogén türkiyede ishlepchiqirilip yawropagha sétilishi mumkin.»