14.06.2021

бүгүнки түркийә гезитлиридә асасий салмақни игилигән хәвәрлиримиз төвәндикичә:

1657417
14.06.2021

түркийә авази радийоси: «‹йеңи шәпәқ› гезити»,  «әрдоған <бөлгүнчи террорлуқ тәшкилати п к к/й п г дин дохтурханиға қилған һуҗумниң һесабини сораймиз> деди» сәрләвһилик хәвиридә, төвәндики мәлуматларға орун аҗратти:

җумһур рәис рәҗәп таййип әрдоған, шималий атлантик әһди тәшкилати башлиқлар йиғини үчүн белгийә пайтәхти бирйусселға қарап йолға чиқиш һарписида бәргән байанатида, бөлгүнчи террорлуқ тәшкилати п к к/й п г ниң афринда дохтурханиға қилған һуҗуми тоғрулуқ тохтилип мундақ деди: «террорлуқ һуҗуми, бөлгүнчи террорлуқ тәшкилати п к к/й п г ниң қандақ номуссиз вә вәһший бир тәшкилат икәнликини испатлап бәрди. дөлитимиздә бигунаһ инсанларни, сүрийәдә пуқраларни, ирақта корд қериндашлиримизни қәтл қилған бу номуссиз әбләхләрдин төккән һәр бир тамчә қанниң һесабини сораймиз.»

«‹һөрийәт› гезити», «түркийә армийәси тәл рифәттә террорлуқ тәшкилатиға еғир зәрбә бәрди» сәрләвһилик хәвиридә, муну учурларни  оқурмәнлириниң диққитигә сунди:

бөлгүнчи террорлуқ тәшкилати п к к/й п г ниң африндики дохтурханиға қилған һуҗумидин кейин, түркийә қисимлири, тәл рифәттә террорчиларға аит нишанларға еғир зәрбә бәрди. «җазаландуруш» һуҗумлири нәтиҗисидә, террорчилар тәрипидин ишлитилгән аталмиш 3 қараргаһ бинаси, бир панаһ җай вә бир газарма йәр билән йәксан қиливетилди, көп санда террорчи бир тәрәп қилинди.

«‹сабаһ› гезити», «ақар ливийә мәсилиси һәққидә сигнал берип, «буни дунйа унтумаслиқи лазим> деди» сәрләвһилик хәвиридә,  төвәндики учурларни оқурмәнлириниң диққитигә сунди:

дөләт мудапиә министири хулуси ақар, ливийә зийарити әснасида бәргән байанатида, «һәрбий исйанчи һәфтәр ливийә һәрбий мәктәп оқуғучилирини қәтл қилди, йүзләрчә инсанни коллектип һалда мазарларға көмди, бу инсанларниң аилилири қаттиқ дәрд - әләм ичидә, буни дунйа унтумаслиқи лазим» деди.

«‹стар› гезити», «түркийәниң қораллиқ учқучисиз һава аппаратлириға қарши тақабил туруш имканийитимиз болмайтти» сәрләвһилик хәвиридә, муну учурларға орун аҗратти:

германийә дөләт мудапиәси вә истиратегийәлик тәтқиқатлар иниститутида подполковник мичел карл, германийә армийәсиниң тағлиқ қарабағда әзәрбәйҗанға қарши уруш қилиш еһтималлиқи һәққидә қилған сөзидә, «түркийәниң қораллиқ учқучисиз һава аппаратлириға қарши тақабил туруш имканийитимиз болмайтти» деди.

«‹хәвәр түрк› гезити», «өй җаһазлири, қәғәз вә орман мәһсулатлири саһәлириниң екиспорти% 28 ашти» сәрләвһилик хәвиридә, муну учурларни  оқурмәнлириниң диққитигә сунди:

түркийәниң өй җаһазлири, қәғәз вә орман мәһсулатлири саһәлириниң екиспорти, бу йилниң дәсләпки 5 ейи ичидә, 2020 – йилиниң охшаш мәзгилдикигә селиштурғанда % 28 ешип, 2.6 милйард долларға йәтти, буниң 1.6 милйард долларлиқ қисмини өй җаһазлири тәшкил қилди. әң көп өй җаһазлири експорт қилинған 5 дөләт германийә, америка қошма иштатлири, фирансийә, исраилийә вә ирақ болди.



مۇناسىۋەتلىك خەۋەرلەر