09.06.2021

бүгүнки түркийә гезитлиридә асасий салмақни игилигән хәвәрлиримиз төвәндикичә:

1654499
09.06.2021

түркийә авази радийоси: «‹хәвәр түрк› гезити», «җумһур рәислик мәһкимиси байанатчиси ибраһим қалин канадада йүз бәргән ислам дүшмәнлики һуҗумиға наразилиқ билдүрди» сәрләвһилик хәвиридә, төвәндики мәлуматларни оқурмәнлириниң диққитигә сунди:

җумһур рәислик мәһкимиси байанатчиси ибраһим қалин, канадада мусулман бир аилидин 4 кишиниң ислам дүшмәнлики сәвәблик пиланланған җинайәт нәтиҗисидә өлтүрүлүшигә наразилиқ билдүрүп мундақ деди: «бу, ойдурма қорқунчниң нәпрәткә, нәпрәтниң дүшмәнликкә вә зораванлиққа айлинидиғанлиқиниң әң ахирқи мисалидур. бу дәһшәтлик йүзлиниш вә вәһшийликни чоқум тохтитиш керәк.»

«‹вәтән› гезити», «түркийә билән маракәш оттурисида ваксина кенишкиси келишими» сәрләвһилик хәвиридә, муну учурларға орун аҗратти:

ташқи ишлар министири мәвлүт чавушоғлу, видео конферанс васитиси арқилиқ маракәш дипломатийә министири насир борита билән көрүшти. көрүшүштә,  «ковид – 19» йуқумиға қарши күрәш даирисидә ваксина кенишкисиниң өзара етирап қилиниши қарарлаштурулди.

«‹сабаһ› гезити», баку – тифлис – қарс төмүр йоли линийәсидин тошулған йүк миқдари 1 милйон тоннидин ашти» сәрләвһилик хәвиридә, төвәндики байанларға орун аҗратти:

қатнаш вә ул әслиһә қурулушлири министири адил қарасмаилоғлу, асийа қитәси билән йавропа қитәсини бир - биригә туташтуридиған баку – тифлис – қарс төмүр йоли линийәсидин һазирғичә тәхминән 1 милйон тонна йүк тошулғанлиқини билдүрди.

«‹һөрийәт› гезити», «су мәһсулатлири експорти йерим милйард доллардин ашти» сәрләвһилик хәвиридә, муну учурларни  оқурмәнлириниң диққитигә сунди:

түркийәниң йеқинқи йилларда експортта қолға кәлтүргән мувәппәқийәтлири билән диққәт қозғаватқан су мәһсулатлири саһәси, бу йилниң 5 айлиқ мәзгилидә базирини % 38 тәрәққий қилдуруп, чәт әл експортидин  522 милйон долларлиқ кирим қолға киргүзди.

«‹стар› гезити», «филәниң султанлири русийәни мәғлуб қилди» сәрләвһилик хәвиридә, төвәндики учурларға орун аҗратти:

түркийә а миллий айаллар валибол командиси, италийәниң римини шәһиридә өткүзүлгән FIVB милләтләр бирләшмисиниң 3-һәптиси үчинчи вә ахирқи мәйдан мусабиқисидә  русийә командисини 2 гә қарши 3 нәтиҗә билән йәңди.



مۇناسىۋەتلىك خەۋەرلەر