25.05.2021

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

1645183
25.05.2021

түркийә авази радийоси: «йеңи шәпәқ гезити», түркийә җумһур рәиси рәҗәп таййип әрдоған билән полша пирезиденти андрийас себастийан дуда (Andrzej Sebastian Duda) икки дөләт оттурисида түзүлгән келишимни имзалиғандин кейин, бирликтә ахбарат елан қилиш йиғини өткүзгәнликини хәвәр қилди.

хәвәрдә, рәҗәп таййип әрдоғанниң, «түркийә тарихида тунҗи қетим нато вә йавропа иттипақиға әза бир дөләткә учқучисиз һава аппарати експорт қилиду» дегәнлики билдүрүлди.

«стар гезити», полша пирезиденти дуданиң, «түркийә мәзкур районда полшаниң әң сағлам иттипақдиши. икки дөләтниң нато рамкисида  сирттин келидиған тәһдитләрниң алдини алалайдиғанлиқиға ишинимән» дегәнликини хәвәр қилди.

«сабаһ гезити», енергийә вә тәбиий байлиқлар министири фатиһ дөнмәзниң сакарйа тәбиий газ мәшғулат райониға мунасивәтлик байанат елан қилғанда, қарадеңиздики өзгиришләрни алаһидә әскәртип: «йеңи хәвәр үчүн ийун ейини сақлишимиз лазим. қилиниватқан хизмәтләр ийун ейида ахирлишиду. филйос қарадеңизни бурғилашта мәркизий базиға айлиниду» дегәнликини хәвәр қилди.

«хәбәр түрк гезити», түркийә билән хитай оттурисидики алтинчи вә йәттинчи експорт пойизлириниң коҗәлиниң картәпә наһийәсидин йолға чиққанлиқини хәвәр қилди.

хәвәрдә, пойизларниң 12 күндә төт дөләттин өтүп, хитайниң шиән шәһиригә йетип баридиғанлиқи қәйт қилинди.

«һөррийәт гезити», түркийә меһмансарайлар федератсийәсиниң башлиқи сурури чорабатирниң вухән вирусиға қарши йолға қойулған тәдбирләргә қаримастин, түркийәни сайаһәт қилған кишиләрниң, өз дөләтлиригә хушал һалда қайтқанлиқини билдүргәнликини хәвәр қилди.    



مۇناسىۋەتلىك خەۋەرلەر