20.04.2021

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1624622
20.04.2021

türkiye awazi radiyosi:«hörriyet géziti», adalet we tereqqiyat partiyesining bayanatchisi ömer chelikning, girétsiyening musapirlargha qarshi muamilisini tenqid qilghanliqini xewer qildi.

xewerde, ömer chelikning: « sérb qassaplirining qilghinigha we riwandada yüz bergenge oxshash, girétsiye sahil bixeterlik küchliri bénzin töküp we ot qoyup, bir meydan qetliam peyda qilishqa urundi. qehrimanlirimiz u yerde bolmighan bolsa, aqdéngiz bu kishilerning hemmisige mazarliq bolatti. siler aldi bilen, démokratiyenglarni aqdéngizdin qutquzunglar, andin gep qilinglar» dégenliki qeyt qilindi.

«sabah géziti»,  énérgiye we tebiiy bayliqlar ministiri fatih dönmezning: «deslepki üch ayda xizmetke kirishtürülgen énérgiye küchimizning %97.9 i yéngilinidighan énérgiye menbeliridin shekillendürüldi» dégenlikini xewer qildi.

«yéngi shepeq géziti», rusiye sayahet agéntliqliri birleshmisining bashliqi maya lomidzéning, ayropilan seperlirining toxtitilishi sewebidin aprél we may éyida türkiyede dem alalmaydighan rusiye sayahetchilirining köpinchisining, türkiyege kélish pilanini özgertmigenlikini we bashqa künlerni kütüwatqanliqini éytqanliqini xewer qildi.

«hörriyet géziti», türkiye putbol fédératsiyesining bezi yawropa kulubliri teripidin teshkillengenliki élan qilinghan yawropa derijidin tashqiri birleshme putbol musabiqiliri layihesige munasiwetlik özgirishlerni endishe ichide yéqindin közitiwatqanliqini eskertip: «dunya putbolining kélechikini pütünley xeterge ittiridighan bu menisiz teshebbusni qobul qilghili bolmaydu dep qaraymiz» dégenlikini xewer qildi.



مۇناسىۋەتلىك خەۋەرلەر