09.03.2021

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

1597667
09.03.2021

türkiye awazi radiyosi: «sabah géziti», türkiye jumhur reisi rejep tayyip erdoghanning 11-qétimliq boghuz ichi yighinigha sinliq tebrikname ewetip, «türkiye iqtisadiy éshishta xitaydin kéyin ikkinchi rettin orun aldi. yéqinqi mezgilde dölitimizge kelgen chet el meblighi éshiwatidu» dégenlikini xewer qildi.

«yéngi shepeq géziti», engliye bash weziri boris jonson türkiye jumhur reisi rejep tayyip erdoghan bilen téléfonda körüshkende, iraqning shimalidiki gara rayonida shéhit qilinghan 13 türk puqrasigha teziye bildürgenlikini we térrorluq teshkilati p k k ni eyibligenlikini xewer qildi.

«xeber türk géziti», sanaet we téxnologiye ministiri mustafa warankning xitay eqilliq téléfon oppo (Oppo) shirkitining istanbul tuzlada qurulushi dawamlishiwatqan fabrikasida sinaq ishlepchiqirishning bashlanghanliqini élan qilghanliqini xewer qildi.

xewerde, ministir mustafa warankning fabrika toluq ishqa kirishtürülgende, ming kishige ishqa orunlishish pursiti yaritilidighanliqini bildürgenliki qeyt qilindi.

«hörriyet géziti», antalyaning demre nahiyeside hawa témpératurasining örlishige egiship rusiyelik sayahetchilerning köpiyishke bashlighanliqini xewer qildi.

xewerde, tebiiy güzelliki bilen kishini heyran qalduridighan demrege kelgen rusiyelik sayahetchiler, aqdéngizning köpkök süyide paraxot sayahitini bashlighanliqi, bezilirining sugha üzüp déngizning keypini chiqarghanliqi eskertildi.


خەتكۈچ: #yéngi shepeq , #hörriyet , #star

مۇناسىۋەتلىك خەۋەرلەر