02.03.2021

bügünki türkiye metbuatliridin tallap teyyarlighan xewerlirimiz töwendikiche:

1593325
02.03.2021

türkiye awazi radiyosi: «yéngi shepeq géziti», türkiye jumhur reisi rejep tayyip erdoghanning kabént yighinidin kéyin, wuxen wirusi tedbirlirige munasiwetlik bayanat élan qilghanliqini xewer qildi.

xewerde, jumhur reis rejep tayyip erdoghanning 81 wilayetni wuxen wirusigha munasiwetlik weqelerge asasen töt guruppigha ayrighanliqlirini, töwen we ottura xeterlik wilayetlerde hepte axirliri tedbirlerning emeldin qaldurulidighanliqini, yuqiri we intayin yuqiri xeterlik wilayetlerde tedbirlerning yekshenbe künliri dawamlishidighanliqini bildürgenliki qeyt qilindi.

«sabah géziti», türkiye iqtisadining 2020-yilida %1.8, 2019-yilining axirqi charikide %5.9 iqtisadiy éshishni qolgha keltürgenlikini xewer qildi.

xewerde, xezine we maliye ministiri lütfi elwanning iqtisadiy éshish reqemliri toghrisida: «dunyada waba partlighan 2020-yilini iqtisadiy éshish bilen axirlashturghan döletlerdin biri bolduq» dégenliki qeyt qilindi.

«xeber türk géziti», norwégiyening enqerede turushluq bash elchisi érling skjonsbérg (Erling Skjonsberg) ning: «türkiyede ishlepchiqirilghan eng keng éléktir qolwaqning norwégiye déngizidiki siniqi muweppeqiyetlik boldi» dégenlikini xewer qildi.

«star géziti», dunya musulmanlar birleshmisining ezasi sheyx saghirning firansiye mallirini bayqut qilish herikitining küchlük tesirge ige bolghanliqini tekitlep, türkiye bilen pakistan hökümetlirige teshekkür éytqanliqini xewer qildi.

«weten géziti», burdur wilayitining nahiyesige jaylashqan salda kölining «dunya tebiet miras» i tizimlikige kirgüzülüshi üchün b d t maarip, ilim-pen we medeniyet teshkilatigha iltimas sunulghanliqini xewer qildi.

salda kölini qoghdash jemiyiti terepidin sunulghan iltimasta, salda kölining qoghdilishi kérekliki eskertilip, kölning ékologiyelik we ilmiy tetqiqat nuqtisidin muhim ehmiyetke ige ikenliki qeyt qilindi.  



مۇناسىۋەتلىك خەۋەرلەر