01.03.2021

بۈگۈنكى تۈركىيە مەتبۇئاتلىرىدىن تاللاپ تەييارلىغان خەۋەرلىرىمىزنىڭ قىسقىچە مەزمۇنلىرى تۆۋەندىكىچە:

1592686
01.03.2021

تۈركىيە ئاۋازى رادىيوسى: «خابەرتۈرك» گېزىتى: «تۈركىيەنىڭ مەلۇماتلىرى تۈركىيەدە قالىدۇ» سەرلەۋھىلىك خەۋىرىدە، جۇمھۇر رەئىسلىك مەھكىمىسى رەقەملىك ئۆزگەرتىش ئىشخانىسى باشلىقى ئەلى تاھا كوچ، گوگۇل، ئامازون، فېيسبۇك، ئالما قاتارلىقلارغا تەڭداش مۇلازىمەت ۋە مەھسۇلاتلارنىڭ تۈركىيەدە تەرەققىي قىلدۇرۇلۇشىنى پىلانلاۋاتقانلىقلىرىنى بىلدۈرۈپ: «تۈركىيەنىڭ سانلىق ئۇچۇرلىرى تۈركىيەدە قالىدۇ. بۇنى كاپالەتلەندۈرۈش ئۈچۈن يەرلىك مەھسۇلاتلارنى، بولۇپمۇ ئىجتىمائىي ئالاقە سۇپىلىرى، ھازىرىي ئۇچۇرلىشىش ۋاسىتىلىرى ۋە سىن كۆرۈنۈشلۈك يىغىن ئەپلىرىنىڭ يەرلىك نۇسخىلىرىنى تەرەققىي قىلدۇرۇشقا تىرىشىۋاتىمىز» دېگەنلىكىنى ئوقۇرمەنلىرى بىلەن ئورتاقلاشتى.

«ھۆررىيەت» گېزىتى: «ساياھەتچىلىكتە ئىنگلىز ھەرىكەتلىنىشى» سەرلەۋھىلىك خەۋىرىدە، ئەنگلىيەنىڭ 17 - مايدىن باشلاپ پۇقرالىرىنىڭ ئەركىن ساياھەت قىلىشىغا يول قويىدىغانلىقىنى؛ ئەنگلىيەلىك ساياھەتچىلەرنىڭ دۇنياغا داڭلىق مۇغلا، مارمارىس، بودرۇم ۋە فەتھىيە قاتارلىق جايلارنى ئەڭ ياقتۇرىدىغانلىقىنى، شۇنىڭ ئۈچۈن ساياھەت ئاپپاراتلىرى ۋە مېھمانخانا باشقۇرۇش ئورۇنلىرىنىڭ شوتلاندىيە، شىمالىي ئىرېلاندىيە، ۋېلىش ۋە ئەنگلىيە قاتارلىق جايلارغا مۇلازىمەت قىلىدىغان خەلقئارالىق ساياھەت ئاگېنتلىقلىرى بىلەن ئالاقىشىشنى باشلىغانلىقىنى يازدى.

«يېڭى شەپەق» گېزىتى: «يۇقۇم مەزگىلىدە تۈركىيە بىلەن خىتايلا (ئىقتىسادىي جەھەتتە) زورايدى» سەرلەۋھىلىك خەۋىرىدە، ۋۇخەن ۋىرۇسى (كوۋىد – 19) نىڭ يەرشارىنىڭ ئىقتىسادىي ئېشىش مۆلچەرىنى قالايمىقانلاشتۇرۇۋەتكەنلىكىنى؛ %3.5 تىن %4 كىچە ئېشىشى مۆلچەرلىنىۋاتقان دۇنيا ئىقتىسادىنىڭ ،%4.3 چېكىنىپ كەتكەنلىكىنى يازدى.

گېزىتنىڭ خەۋىرىدە كۆرسىتىلىشىچە، تەرەققىي قىلغان ۋە تەرەققىي قىلىۋاتقان دۆلەتلەرنى بىر يەرگە جەم قىلغان 20 دۆلەت گۇرۇھى ئارىسىدا پەقەت تۈركىيە بىلەن خىتايلا ئىقتىسادىي ئېشىشنى قولغا كەلتۈرگەن.

«ستار» گېزىتى: «ئۇچقۇچىسىز مىللىي ئۇرۇش ئايروپىلانىنىڭ سۈرئىتى ئاۋاز تېزلىكىدە بولىدۇ» سەرلەۋھىلىك خەۋىرىدە، ئەڭ مۇھىم نىشانىنىڭ «ئاقىنجى» ناملىق قوراللىق ھۇجۇمچى ئۇچقۇچىسىز ھاۋا ئاپپاراتىدىن كېيىن تۈركىيەنى ئۇچقۇچىسىز ئۇرۇش ئايروپىلانىغا ئىگە قىلىش ئىكەنلىكىنى بىلدۈرگەن بايراقتار شىركىتىنىڭ ئەڭ يۇقىرى دەرىجىلىك ئەمەلدارى خالۇق بايراقتارنىڭ: «ئىنسانسىز ئۇچقۇچىسىز ھاۋا ئاپپاراتىنىڭ ئۇقۇم لايىھەسى باسقۇچىدا تۇرۇۋاتىمىز. ئاۋاز تېزلىكىدە ئۇچالايدىغان بىر ئايروپىلان بولىدۇ» دېگەن سۆزلىرىگە ئورۇن بەردى.

«ۋەتەن» گېزىتى: «ھوللىۋود چولپانلىرى ئاياسوفيانى ئېكسكۇرسىيە قىلدى» سەرلەۋھىلىك خەۋىرىدە، سۈرەتكە ئېلىش خىزمەتلىرى ئانتاليادا داۋاملىشىۋاتقان «بەش كۆز» ناملىق فىلىمنىڭ ئەنگلىيەلىك رېژىسسورى ۋە سېنارىستى گاي رىتچىنىڭ ئىستانبۇل ساياھىتى دائىرىسىدە ئاياسوفيا جامەسى ۋە توپقاپى سارىيى (ئوردىسى)نى ئېكسكۇرسىيە قىلغانلىقىنى يازدى.

خەۋەردە كۆرسىتىلىشىچە،  خاگىيا سوفىيە مەسچىتى ۋە توپكاپى ئوردىسىنى زىيارەت قىلدى. گاي رىچچى، ئارتىس ئايالى جاككى ئاينسلېي، ئامېرىكالىق ئارتىس جوش خارتنېت، فىلىم ئىشلىگۈچى ئىۋان ئاتكىنسون، ۋارنېر بروس دىرېكتورى جوش بېرگېر ۋە مىراماكىسنىڭ يۇقىرى دەرىجىلىك ئىجرائىيە دىرېكتورى بىل بىلوكتىن تەركىب تاپقان ئۈمەك، ئالاقىدار خادىملاردىن تارىخىي ئورۇنلار توغرىسىدا ئۇچۇر ئىگىلىگەن.



مۇناسىۋەتلىك خەۋەرلەر